ކޮންޓެއިނަރެއްގެ ތެރޭގައި ހުރި މާބުލް ޝީޓްތަކެއްގެ ދެމެދު ތާށިވެ ބިދޭސީއަކު މަރުވުން--
ކޮންޓެއިނަރެއްގެ ތެރޭގައި ހުރި މާބުލް ޝީޓްތަކެއްގެ ދެމެދު ތާށިވެ، ބިދޭސީއަކު މަރުވެއްޖެއެވެ.
މި ޙާދިސާ ހިނގާފައިވަނީ ހުޅުމާލޭ ދެވަނަ ފިޔަވަހީ ޑިންގީ ޖެޓީ ސަރަޙައްދުގައެވެ. ކޮންޓެއިނަރަކުން މާބުލް ޝީޓްތަކެއް ހުރަސްކުރަން އުޅުމުގެ ތެރޭގައި ހިނގި މިޙާދިސާގައި 2 މީހަކު ތާށިވިއެވެ. ފުލުހުން ވިދާޅުވީ މިކަމުގެ މަޢުލޫމާތު މިއަދު މެންދުރުފަހު 15:30 ހާއިރު ފުލުހުންނަށް ލިބިފައިވާކަމަށެވެ.
މި ޙާދިސާގައި ތާށިވެފައިވަނީ 2 ބިދޭސީ ފިރިހެނުންނެވެ. އަދި އެތަނުން އެކަކު މަރުވެފައިވާކަމަށާއި، އަނެއް މީހާއަށް ހޮސްޕިޓަލުގައި ފަރުވާ ދެމުންދާކަމަށް ފުލުހުން ވިދާޅުވެއެވެ.
މި ޙާދިސާއާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ