މެކްސިކޯގެ ޖޫން މަހުގެ އިންފްލޭޝަން ރެކޯޑު ޢަދަދަކަށް މަތިވެއްޖެއެވެ.
ރަސްމީ ހިސާބުތަކުން ދައްކާގޮތުގައި މިއީ ވޭތުވެދިޔަ 21 އަހަރު ދުވަހުގެ ތެރޭގައި މެކްސިކޯގެ އިންފްލޭޝަން މިހާ މަތިވި ފުރަތަމަ ފަހަރެވެ. މިކަމުގެ ސަބަބުން މެކްސިކޯއަށް އޮތް ހަމައެކަނި ގޮތަކީ އެ ޤައުމުގެ ފައިސާ ބޭރުވިޔަ ނުދީ ހިފެހެއްޓުމެވެ.
ޖޫން މަހު މެކްސިކޯގެ ކޮންސިއުމާ ޕްރައިސް ވަނީ %7.99 އިންސައްތައަށް އިތުރުވެފައެވެ. އަދި މިއީ ރޮއިޓާސް ޕޯލުން އިޤްޠިޞާދީ މާހިރުން ލަފާކޮށްފައިވާ %7.95 އަށް ވުރެ ކުޑަ އިތުރުވުމެކެވެ.
އިންފްލޭޝަން މަތިވާނެކަމަށް މެކްސިކޯގެ މަރުކަޒީ ބޭންކުން ލަފާކޮށްފައިވަނީ 3 އިންސައްތައަށެވެ. މިއީ 2001 ވަނަ އަހަރު ޖެނުއަރީގެ ފަހުން މެކްސިކޯގެ އިންފްލޭޝަން އެންމެ މަތިވި ފަހަރެވެ. އެ ފަހަރު ޖުމްލަ 12 މަހުގެ އިންފްލޭޝަން ވަނީ %8.11 އަށް އަރާފައެވެ.
މެކްސިކޯގެ މިދިޔަ މަހުގެ ބެންޗް މާކް އިންޓަރެސްޓު ރޭޓަކީ 75 ބޭސިސްކަމުގައި މަރުކަޒީ ބޭންކުން ވަނީ ކަނޑައަޅާފައެވެ. އަދި އިންފްލޭޝަން ކޮންޓްރޯލްކުރުމަށް އަދިވެސް މި ބޭސިސް މަތިކުރަން ޖެހިދާނެކަމަށްވެސް މަރުކަޒީ ބޭންކުން ވަނީ ބުނެފައެވެ.