ސެޓެލައިޓް ބޭނުންކޮށްގެން ކުއްލި މެސެޖުތައް ފޮނުވޭ، އައިފޯން 14 މޮޑެލްތަކާއި ޑައިވިން އާއި ޓްރައިއެތްލޮން ފަދަ ކުޅިވަރުތަކަށް އެޑްވެންޗާ ފޯކަސްޑް އަލްޓްރާ ގަޑިއެއް އެޕަލް އިން ތައާރަފްކޮށްފިއެވެ.
ހައި އެންޑް އައިފޯން 14 ގެ އަގުތައް މިދިޔަ އަހަރުގެ އައިފޯން 13 ގެ މޮޑެލްތަކާ އެއްވަރެވެ. ނަމަވެސް އެޕަލް އިން ނެރުނު އެންމެ އަގުހެޔޮ މޮޑެލް ކަމަށްވާ އައިފޯން މިނީ ގެ އަގު ވަނީ ހެޔޮކޮށްފައެވެ.
އައިފޯން 14 ގެ އަގަކީ 799 އެމެރިކާ ޑޮލަރެވެ. އައިފޯން ޕްލަސްގެ އަގަކީ 899 އެމެރިކާ ޑޮލަރެވެ. މި މޮޑެލްތަކަށް މި މަހުގެ 9 ވަނަ ދުވަހުން ފެށިގެން ޕްރީއޯޑާ ކުރެވޭނެއެވެ. އައިފޯން ޕްރޯގެ އަގު 999 އެމެރިކާ ޑޮލަރަށް އުޅޭއިރު އައިފޯން ޕްރޯ މެކްސް 1،099 އެމެރިކާ ޑޮލަރަށް ވިއްކާނެ ކަމަށް އެޕަލް އިން ބުނެއެވެ. އައިފޯން ޕްރޯ އާއި ޕްރޯ މެކްސް އަށް ޕްރީ އޯޑާ ކުރެވޭނީ މި މަހުގެ 16 ވަނަ ދުވަހުން ފެށިގެންނެވެ.
އެޕަލް އިން ބުނިގޮތުގައި އެ ކުންފުނީގެ ސެޓެލައިޓް އެސްއޯއެސް އިން އެމަޖެންސީ ރެސްޕޮންޑަރުންނާ ގުޅިގެން މަސައްކަތް ކުރާނެއެވެ. އަދި ބައެއް ހާލަތްތަކުގައި އެ ކުންފުނީގެ ފައިންޑްމައި އެޕް ބޭނުންކޮށްގެން އެހެން ކަނެކްޓިވިޓީއެއް ނެތް ވަގުތުތަކުގައި ސެޓެލައިޓް މެދުވެރިކޮށް އެމީހުންގެ ލޮކޭޝަން ހިއްސާ ކުރެވޭނެ ކަމަށް ވެސް އެޕަލްއިން ބުނެއެވެ.
އެޕަލްގެ އައިފޯން 14 ޕްލަސް މޮޑެލްގައި އެޕަލްގެ އައިފޯން ޕްރޯ މޮޑެލްތަކާ އެއްގޮތަށް ބޮޑު ސްކްރީނެއް ހުންނާނެއެވެ. އަދި ނަމަވެސް ކުރީގެ އައިފޯން 13 އާއި އެއްގޮތަށް އޭ15 ޕްރޮސެސަރު ޗިޕެއް އިންނާނެއެވެ.
ކެލިފޯނިއާގެ ކުޕަރޓީނޯގައި ހުންނަ އެ ކުންފުނިން ވަނީ އެޕަލްގެ އައު ގަޑިތަކެއް ވެސް ދައްކާލާފައެވެ. އޭގެ ތެރޭގައި އެކްސްޓްރީމް ސްޕޯޓްސް އާއި ޑައިވިން އަށް އަމާޒުކޮށްގެން އުފައްދާފައިވާ އާ ގަޑިއަކާއި އަލްޓްރާ މޮޑެލްއެއް ހިމެނެއެވެ. އަލްޓްރާގައި ޓްރައިއެތްލޮން ފަދަ އިވެންޓްތަކުގައި ދިގުދެމިގެންދާނެ ބޮޑު ބެޓެރީއަކާއި ބޭރު މާހައުލުތަކުގައި އޮޕަރޭޓް ކުރުމަށް ރަނގަޅު ވޯޓާޕްރޫފިން އާއި ޓެމްޕަރޭޗަރ ރެސިސްޓެންސްގެ އިތުރުން ކުޅިވަރަށް ރަނގަޅު ޖީޕީއެސް ޓްރެކިން ވެސް މިގަޑިތަކުގައި ހުރެއެވެ.އާ ގަޑިތަކުގައި އެސްއީ ކިޔާ އަޕްގްރޭޑް ބަޖެޓް މޮޑެލްއަކާއި ކްރެޝް ޑިޓެކްޝަން އާއި 36 ގަޑިއިރު ބެޓެރީ ލައިފް އަށް ލޯ ޕަވަރ މޯޑު ހިމެނެއެވެ.
ސެލިއުލަރ އާއި އެކު ސީރީޒް 8 ގެ އަގު 499 އެމެރިކާ ޑޮލަރުން ފެށޭއިރު އެސްއީ ގެ އަގު ފެށޭނީ ސެލިއުލަރ އާއި އެކު 299 އެމެރިކާ ޑޮލަރުންނެވެ. އޭގެ ބޭސް މޮޑެލްގައި ސެލިއުލާ ހިމެނޭ އަލްޓްރާގެ އަގު ފެށޭނީ 799 އެމެރިކާ ޑޮލަރުންނެވެ. މި ގަޑިތައް ލިބެން ހުންނާނީ މި މަހުގެ 23 ވަނަ ދުވަހުން ފެށިގެންނެވެ.