ޓްރަކުގެ އައު މޮޑެލެއް އުފެއްދުމަށް ފޯޑުން އިންވެސްޓްކުރަނީ

ޓްރަކްގެ އައު މޮޑެލެއް ކަމަށްވާ އެފް ސީރީޒް ސުޕަރ ޑިއުޓީ ޓްރަކް އުފެއްދުމަށް އުފެއްދުން އެމެރިކާގެ ކެންޓަކީގައި ހުންނަ އެ ކުންފުނީގެ ކާރުޚާނާއަށް 700 މިލިއަން އެމެރިކާ ޑޮލަރު އަންނަ އަހަރު އިންވެސްޓުކުރުމަށް އެމެރިކާގެ އޮޓޯ އުފައްދާ ކުންފުނި ފޯޑު މޮޓޯ ކޯ އިން ނިންމައިފިއެވެ.

މި އިންވެސްޓްމެންޓާއިއެކު އިތުރު 500 ވަޒީފާވެސް އެ ކާރުޚާނާގައި އުފެދޭނެ ކަމަށް ފޯޑުން ބުނެއެވެ.

އެމެރިކާގައި އިލެކްޓްރިކް އެފް-150 އެސެމްބްލީ ޕްލާންޓަކާއި ތިން ބެޓެރީ ޕްލާންޓެއް އެޅުމަށް 11.4 ބިލިއަން އެމެރިކާ ޑޮލަރު އިންވެސްޓްކުރާނެ ކަމަށް އެމެރިކާގައި ދެވަނައަށް އެންމެ ގިނައިން އޮޓޯ އުފައްދާ ކުންފުނި ފޯޑާއި އެމީހުންގެ ދެކުނު ކޮރެއާގެ ބެޓެރީ ޕާޓްނަރު އެސްކޭ އިނޮވޭޝަން އިން މިދިޔަ އަހަރު ސެޕްޓެމްބަރު މަހު ވަނީ ބުނެފައެވެ. އެ ކުންފުނިތަކުން ބުނީ ކެންޓަކީގައި 5.8 ބިލިއަން

އެމެރިކާ ޑޮލަރު، އަދި ޓެނެސީގައި 5.6 ބިލިއަން އެމެރިކާ ޑޮލަރު އިންވެސްޓްކުރާނެ ކަމަށެވެ. ކެންޓަކީ ޖޭވީ އިން ގާތްގަނޑަކަށް 5،000 ވަޒީފާ އުފެދޭނެއެވެ. ކެންޓަކީގައި ހުންނަ ފޯޑުގެ ކާރުޚާނާގައި 12،000 އަށް ވުރެ ގިނަ މީހުން ވަޒީފާ އަދާކުރެ އެވެ.

ފޯޑުން ބުނީ އެ ކުންފުނީގެ އެފް ސީރީޒް ޓްރަކް ފްރެންޗައިޒް އަށް މިދިޔަ އަހަރު ގާތްގަނޑަކަށް 40 ބިލިއަން އެމެރިކާ ޑޮލަރުގެ އާމްދަނީއެއް ލިބުނު ކަމަށާއި އެއީ މިދިޔަ އަހަރު އެ ކުންފުންޏަށް ލިބުނު ދުނިޔޭގެ އޮޓޯމޯޓިވް އާމްދަނީގެ ގާތްގަނޑަކަށް ތިންބައިކުޅަ އެއްބައި ކަމަށެވެ.

އޮގަސްޓް މަހުގެ ނިޔަލަށް ފޯޑް އެފް ސީރީޒްގެ އެމެރިކާގެ ޓްރަކްތަކުގެ ވިޔަފާރި %11 ދަށްވެ 420،969 އަށް އަރާފައިވާއިރު، މިއީ ޖުމްލަ ވިއްކުމުގެ ތިންބައިކުޅަ އެއްބައި އެވެ. އެފް ސީރީޒްގެ ޖުމްލަ ވިއްކި 6،842 ޓްރަކަކީ އިލެކްޓްރިކް އެފް-150 ލައިޓްނިން ޓްރަކެވެ.