ރަޔަން ރެނޯލްސްގެ ސުޕަހީރޯ ކެރެކްޓާ އަކުން ފެނިގެންދާ ފްރެންޗައިޒް "ޑެޑްޕޫލް" ގެ ތިން ވަނަ ބައިގެ މަސައްކަތް މާވެލް ސްޓޫޑިއޯ އިން ފަށާފައިވާ ކަން 2019 ވަނަ އަހަރުގެ ޑިސެމްބަރު މަހު ވަނީ ކަށަވަރުކޮށްދީފައެވެ.
އޭގެފަހުން މިހާރު މިވަނީ "ޑެޑްޕޫލް" ފޭނުންނަށް އަނެއްކާވެސް އުފާވެރި ޚަބަރެއް ދީފައެވެ. މީގެ ތިން ވަނަ ބައި 2024 ގައި ރިލީޒްކުރާނެކަން ރަސްމީކޮށް އިއުލާނުކޮށްފިއެވެ.
ރެނޯޑްލްސް އެނބުރި އަންނަނީ "ވޮލްވަރިން" ގެ ތަރި ހޫ ޖެކްމަން އާއި އެކުގައި ކަމަށްވެސް ރިޕޯޓުތައް ބުނެއެވެ. މި ފިލްމުގެ މަސައްކަތް ވަރަށް ބުރަކޮށް ކުރިއަށް ގެންދާ ކަމަށް ރެނޯޑްލްސް ވަނީ ބުނެފައެވެ.
3 ވަނަ ބައި ޑައިރެކްޓުކުރަނީ "ފްރީ ގާއި" އަދި "ދަ އެޑަމް ޕްރޮޖެކްޓް" ގައިވެސް ރެނޯޑްލްސް އާއިއެކު މަސައްކަތް ކޮށްފައިވާ ޝޯން ލެވީއެވެ. މީގެ ސްކްރިޕްޓް ލިޔަނީ މީގެ ކުރިން ފުރަތަމަ ދެ އިންސްޓޯލްމަންޓްގެ ސްކްރިޕްޓްވެސް ލިޔުނު ރެޓް ރީސް އާއި ޕޯލް ވާނިކްއެވެ.
މި ސީރީޒްގެ ފުރަތަމަ ފިލްމު 2016 ގައި ގެނެސްދިނުމަށް ފަހު، "ޑެޑްޕޫލް 2" ރިލީޒްކުރީ މިދިޔަ އަހަރު އެވެ. ޖުމްލަ 110 މިލިއަން ޑޮލަރުގެ ބަޖެޓަކުން ހެދި ފިލްމަށް ބޮކްސް އޮފީހުގައި 785 މިލިއަން ޑޮލަރުގެ އާމްދަނީއެއް ލިބުނެވެ.
"ޑެޑްޕޫލް 2" ޑޭވިޑް ލީޗް ޑައިރެކްޓްކުރި އިރު، ފުރަތަމަ ބައި ޑައިރެކްޓްކުރީ ޓިމް މިލާއެވެ.