ޓީރެކްސް ބަލިކޮށް ޗ އިން ހޯދިއިރު، ކުޅުނު އެއްވެސް މެޗަކުން ބަލިނުވެ އަންހެން ބައިގެ ޗެމްޕިއަންކަން ކުއީންސް ބީސީ އިން ހޯދައިފި އެވެ.
މިދިޔަ މަހުގެ 5 ވަނަ ދުވަހު ފެށި އެމްބީއޭ ޗެމްޕިއަންޝިޕްގެ ފިރިހެން ބައިގައި 12 ޓީމެއް ވާދަކުރި އެވެ. އަންހެން ބައިގައި ވާދަކުރީ ހަ ޓީމެކެވެ.
ފިރިހެން ބައިގެ ޗެމްޕިއަންކަން ކިންގްސް ހޯދީ ފައިނަލުގައި ޓީރެކްސް 81-70 ޕޮއިންޓުން ބަލިކޮށްގެންނެވެ. މިއީ މިއަހަރުގެ މުބާރާތުގައި ޓީރެކްސް ބަލިވި ފުރަތަމަ މެޗެވެ. މި މުބާރާތުގެ ދެ ބުރުގައި ޓީރެކްސް އަތުން ކިންގްސް ދެ ފަހަރަށް ބަލިވި އެވެ.
މެޗު ފަށައިގެން ފުރަތަމަ ކުއާޓާގައި ޓީރެކްސް އިން ރަނގަޅު ލީޑެއް ނެގި އެވެ. ހަ ޕޮއިންޓްގެ ލީޑަކާއިއެކު ދެވަނަ ކުއާޓާ އަށް ނުކުތް ނަމަވެސް ކިންގްސް އިން ފަހަތުން އަރާ ލީޑު އެއް ޕޮއިންޓަށް ކުޑަކުރި އެވެ. ފަހު ދެ ކުއާޓާގައި ކިންގްސް ފެނުނީ ތަފާތު ބޮޑުކޮށެވެ. މިގޮތުން ކޮންމެ ކުއާާޓާ އެއްގައި 22 ޕޮއިންޓް ސްކޯކޮށް ސްކޯގެ ފަރަގު ބޮޑުކުރި އެވެ.
އަންހެން ބައިގެ ފައިނަލުގައި ވާދަކުރި ކުއީންސް ވަނީ ފައިނަލުގެ ކުރިންވެސް ސައިކްލޯން އަތުން ލީގު ބުރުގައި މޮޅުވެފަ އެވެ. ފައިނަލު މެޗު ކުއީންސް ކާމިޔާބުކުރީ 88-59 ޕޮއިންޓުންނެވެ.
ފައިނަލް މެޗުގެ ފުރަތަމަ ދެ ކުއާޓާގައި ދެއްކި ތަފާތު މޮޅު ކުޅުމާއިއެކު ކުއީންސް އޮތީ 22 ޕޮއިންޓުގެ ބޮޑު ލީޑެއްގަ އެވެ. ފަހު ދެ ކުއާޓާގައި ސައިކްލޯނުން ސްކޯ ކައިރިކުރި ނަމަވެސް ލީޑު ހަނިކޮށްލެވޭ ގޮތެއް ނުވި އެވެ.
އަންހެން ޑިވިޝަންގެ އެންމެ މޮޅު ފަސް ކުޅުންތެރިންނަކީ ކުއީންސްގެ ރައިފާ، ރިޝްމާ، އަމިނަތު ޝިއުރާ އަބްދުލްބާރީ، ސައިކްލޯންގެ ޒާނާގެ އިތުރުން އެލީޓްގެ އައިޝަތު އިނާޝާ އެވެ.