މިޞްރުގައި އޮންނަ "ޓެންތު ރައުންޑް އޮފް އަސްވަން އިންޓަރނޭޝަނަލް ފެސްޓިވަލް ފޮ ކަލްޗަރ އެންޑް އާޓްސް" ގައި ބައިވެރިވުމުގެ ފުރުޞަތު ދިވެހިންނަށް ހުޅުވާލައިފިއެވެ.
މިޞްރުގެ މިނިސްޓްރީ އޮފް ކަލްޗަރ އެފެއާޒް އިން އިންތިޒާމްކޮށްގެން ކުރިއަށްގެންދާ މި ފެސްޓިވަލް ބޭއްވުމަށް ހަމަޖެހިފައިވަނީ އަންނަ މަހުގެ 16 އިން 22 އަށް މިސްރުގެ ޤާހިރާގައެވެ.
ނޭޝަނަލް ސެންޓަރ ފޮރ ދި އާޓްސްއިން ވިދާޅުވީ މިފެސްޓިވަލްގައި ބައިވެރިވެވޭނީ 12 މީހުންގެ ގްރޫޕަކަށްކަމަށެވެ. މިގްރޫޕްގެ ކެއުމާއި ހުރުން އަދި އެތެރޭގެ ދަތުރުފަތުރު ހަމަޖައްސައިދެނީ މި ފެސްޓިވަލް އިންތިޒާމް ކުރާ ފަރާތުންނެވެ. އެހެންނަމަވެސް އިންޓަރނޭޝަނަލް އެއަރފެއަރ، އެއަރ ފްރައިޓް އާއި މެޑިކަލް އިންޝުއަރެންސް އާއި ޕީ.ސީ.އާރް ފަދަ އެހެނިހެން ޚަރަދުތައް ހަމަޖައްސަން ޖެހޭނީ މި ފެއަރގައި ބައިވެރިވާ މީހުން އަމިއްލައަށްކަމަށް ނޭޝަނަލް ސެންޓަރ ފޮރ ދި އާޓްސްއިން ވިދާޅުވެއެވެ.
މި ފެސްޓިވަލްގައި ބައިވެރިވުމަށް އެދޭ މީހުން އަންނަ ހުކުރު ދުވަހުގެ ކުރިން ފޯމް ހުށައަޅެޅުމުގެ ފުރުޞަތު ވަނީ ހުޅުވާލާފައެވެ. ފޯމް އަދި ސަޕޯޓިންގ މެޓީރިއަލްސް[email protected] އަދި [email protected] އަށް މެއިލް ކޮށް [email protected] އަށް ކޮޕީ ފޮނުވަންޖެހެއެވެ.