ފުލުހުން އަތުލައިގަނެފައިވާ މަސްތުވާތަކެތި.
ދިރުވާލައިގެން ރާއްޖެއަށް މަސްތުވާތަކެތި އެތެރެކުރަން އުޅުނު މީހާގެ ބަންދަށް 15 ދުވަސް ޖަހައިފިއެވެ.
މި މައްސަލައިގައި ހައްޔަރުކޮށްފައިވަނީ ލެޓްވިއާއަށް ނިސްބަތްވާ 49 އަހަރުގެ ފިރިހެނެކެވެ.
އޭނާ ހައްޔަރުކުރީ ފުލުހުންގެ އިންޓެލިޖެންސަށް ލިބުނު މައުލޫމާތަކާއި ގުޅިގެން އިމިގްރޭޝަނާއި ކަސްޓަމްސްގެ އެހީތެރިކަމާއެކު ކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ ދިރުވާލައިގެން ރާއްޖެ އެތެރެކޮށްފައިވާ މަސްތުވާތަކެތި ކަމަށް ބެލެވޭ 1353 ގްރާމްގެ 127 ބުލެޓް އޭނާގެ ހަށިގަނޑުން ނަގާފައިވާކަމަށެވެ. އަދި އެމީހާގެ ބަންދަށް ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދު ކުރުމަށް ކޯޓުންވަނީ އަމުރުކޮށްފައެވެ.
ފުލުހުން ވިދާޅުވީ އެމައްސަލަ ފުލުހުންގެ ޑްރަގް އެންފޯސްމަންޓުން ތަޙްޤީގު ކުރަމުން އަންނަކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ