މުހިއްމު މަޝްވަރާތަކެއްގައި ބައިވެރިވެވަޑައިގަތުމަށް ފޮރިން މިނިސްޓަރ ޢަބްދުﷲ ޝާހިދު އިނގިރޭސިވިލާތަށް ވަޑައިގެންފިއެވެ.
ފޮރިން މިނިސްޓަރ އިނގިރޭސިވިލާތަށް ކުރައްވާ މި ދަތުރުފުޅުގައި ކޮމަންވެލްތު ޤައުމުތަކުގެ ފޮރިން މިނިސްޓަރުންގެ ބައްދަލުވުމުގައި ބައިވެރިވެވަޑައިގަންނަވާނެއެވެ. އަދި އެ ޤައުމުގެ ސަރުކާރުގެ މިނިސްޓަރުންނާއި ބައްދަލުކުރައްވާ، އެކި ދާއިރާތަކުން ދެ ޤައުމުގެ ދެމެދު ގުޅުން ބަދަހިކުރުމާގުޅޭ މުހިއްމު މަޝްވަރާތަކެއް ކުރެއްވުމަށް ވަނީ ހަމަޖެހިފައެވެ.
Arrived in London after a successful visit to Berlin, with President @ibusolih.
— Abdulla Shahid (@abdulla_shahid) March 11, 2023
Look forward to @commonwealthsec Foreign Ministers Meeting #CFAMM & meeting many of my counterparts.
Will also engage with UK government Ministers building on successful ???? Strategic Dialogue.
މިނިސްޓަރ ޝާހިދު ލަންޑަނަށް ވަޑައިގަތީ ޤަޠަރުގެ ވެރިރަށް ދޯހާގައި ކުރިޔަށްދިޔަ އ.ދ.ގެ އެންމެ ކުޑަކޮށް ތަރައްޤީވެފައިވާ ޤައުމުތަކުގެ 5 ވަނަ ކޮންފަރެންސްގައި ބައިވެރިވެވަޑައިގަތުމަށާއި، ޖަރުމަނުވިލާތުގެ ބާރލިންގައި ކުރިއަށްދިޔަ އައި.ޓީ.ބީ ފެއަރގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާގެ އަރިހުގައި ޤަޠަރަށާއި ޖަރުމަނުވިލާތަށް ކުރެއްވި ރަސްމީ ދަތުރުފުޅަށްފަހުއެވެ.