އަންނަ ރަމަޟާންމަހާއި ޝައްވާލުމަހުގެ ފުރަތަަމަ 7 ދުވަހު ޢާންމު ވިޔަފާރިތަކާއި ކެފޭ، ރެސްޓޯރެންޓު ފަދަ ތަންތަނުން ޙިދުމަތް ދެވޭނެ ގަޑިތައް އިކޮނޮމިކް މިނިސްޓްރީން ކަނޑައަޅައިފިއެވެ.
އިކޮނޮމިކް މިނިސްޓްރީން ވިދާޅުވީ މާދަމާއިން ފެށިގެން ރަމަޟާންމަހާއި ޝައްވާލުމަހުގެ ފުރަތަމަ 7 ދުވަހު މުދާ ވިއްކާ ތަންތަން ހުޅުވާފައި ބެހެއްޓޭނީ ފަތިހު 5:30 އިން މެންދަމު 1:00އަށް ކަމަށެވެ.
މީގެއިތުރުން ރޯދަމަހު ކެއިންބުއިމުގެ ޚިދުމަތްދޭ ތަންތަން ހުޅުވައިގެން ޚިދުމަތް ދެވޭނީ ހަވީރު 5:30އިން ފެށިގެން މެންދަމު 3:00އާ ހަމައަށް ކަމަށްވެސް އިކޮނޮމިކް މިނިސްޓްރީން ވަނީ ކަނޑައަޅާފައެވެ. އަދި ޝައްވާލު މަހުގެ ފުރަތަމަ 7 ދުވަހު ކެއިން ބުއިމުގެ ޚިދުމަތް ދޭ ތަންތަން ހުޅުވައި ޚިދުމަތް ދެވޭނީ ފަތިހު 4:30އިން ފެށިގެން މެންދަމު 3:00އާ ހަމައަށް ކަމަށްވެސް މިނިސްޓްރީން ވިދާޅުވެއެވެ.
އިކޮނޮމިކް މިނިސްޓްރީން ވަނީ ދިވެހިރާއްޖޭގައި މީހުން ދިރިއުޅޭ ރަށްތަކުގައި ހިންގާ ކެއިންބުއިމުގެ ޚިދުމަތްދޭ ތަންތަނުން ކަނޑައެޅިފައިވާ ވަގުތުތަކުގައި ޚިދުމަތް ދިނުމަށް އިލްތިމާސްކޮށްފައެވެ.