ފުވައްމުލައް ސިޓީގައި މިސްކިތެއް ބިނާކުރުމަށް ދޮންބޭޒް ޕްރައިވެޓް ލިމިޓެޑްއާއި ޙަވާލުކޮށްފިއެވެ.
އިސްލާމިކް މިނިސްޓްރީގައި މިކަމަށްޓަކައި ބޭއްވި ރަސްމިއްޔާތުގައި މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ، އިސްލާމިކް މިނިސްޓަރ ޑރ. އަޙްމަދު ޒާހިރު އަލީއެވެ. ދޮންބޭޒް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ މުޙައްމަދު ރަޝީދެވެ.
ފުވައްމުލައް ސިޓީގައި ދޮންބޭޒް ޕްރައިވެޓް ލިމިޓެޑާއި ޙަވާލުކޮށްގެން ފަރާތުން ބިނާ ކުރާ "މަސްޖިދުލް ފަލާޙް" ގެ މަސައްކަތް 1 އަހަރުގެ ތެރޭގައި ނިންމަންޖެހެއެވެ. މި މިސްކިތަކީ 400 މީހުންގެ ޖާގައިގެ މިސްކިތެކެވެ.
=ފުވައްމުލައް ސިޓީގައި ''ދޮންބޭޒް ޕްރައިވެޓް ލިމިޓެޑް''ގެ ފަރާތުން ޢިމާރާތްކުރާ މިސްކިތް، މަސްޖިދުލް ފަލާޙް އިމާރާތްކުރުމުގެ އެއްބަސްވުމުގައި ސޮއިކުރެއްވުން. މިއީ 400 މީހުންގެ ޖާގައިގެ މިސްކިތެއް. މަސައްކަތް ނިންމުމަށް ކަނޑައަޅާފައިވަނީ 365 ދުވަހުގެ ތެރޭގައި. pic.twitter.com/A7P3q3lQbO
— Ministry of Islamic Affairs (@MVIaffairs) April 5, 2023
ރާއްޖޭގެ އެކި ސަރަޙައްދުތަކުގައި މިސްކިތް ބިނާކުރުމަށް ކުރަމުން އަންނަ މަސައްކަތުގެ ދަށުން މި ދައުރުގައި 40 މިސްކިތެއް ބިނާކުރުމުގެ މަސައްކަތް ފެށިއެވެ. މީގެ ތެރެއިން މިވަގުތު 17 އަށް ވުރެ މިސްކިތެއް ހުޅުވާ އަންނަނީ ބޭނުންކުރަމުންނެވެ.
ރާއްޖޭގެ އެކި ކަންކޮޅުތަކުގައި 38 މިސްކިތެއް ބިނާކުރުމަށާއި، މިސްކިތްތަކުގެ އާބާތުރަ ފިލުވުމުގެ މަސައްކަތްކުރުމަށްވެސް މިއަހަރުގެ ބަޖެޓުގައިވެސް ހިމަނާފައިވެއެވެ.