ސިފައިން ބޭނުންކުރާ ސިފަވަރުގައި ތަރައްޤީކުރާ އަސްކަރީ ބަނދަރު މަޝްރޫޢު އިފްތިތާޙުކުރައްވައިފިއެވެ.
ދިވެހި އަސްކަރިއްޔާގެ "އެކަތަ" ބަނދަރު މަޝްރޫޢު އިފްތިތާޙްކޮށްދެއްވީ އިންޑިއާގެ ދިފާއީ ވަޒީރު ރާޖްނާތް ސިންގއާއި އެމަނިކުފާނާއި ދިވެހިރާއްޖޭގެ ދިފާޢީ ވަޒީރު މާރިޔާ އަޙްމަދު ދީދީއެވެ.
މި ރަސްމިއްޔާތުގައި ހާރިޖީ ވަޒީރު އަބްދުﷲ ޝާހިދުއާއި އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރުވެސް ބައިވެރިވެވަޑައިގެންނެވިއެވެ. އަދި ސިފައިންގެ އިސް އޮފިސަރުންވެސް ބައިވެރިވެވަޑައިގެންނެވިއެވެ.
އުތުރު ތިލަފަޅުގައި ސިފައިންގެ ކޯސްޓްގާޑުގެ ބަނދަރަކާއި ޑޮކްޔާޑެއް ތަރައްގީ ކުރަން އިންޑިއާއާއެކު ރާއްޖެއިން ސޮއިކުރީ 2021 ވަނަ އަހަރުގެ ފެބްރުއަރީ މަހުގެ 21 ވަނަ ދުވަހުގައެވެ.
The Defence Ministers of India and Maldives, H.E.@rajnathsingh & H.E.@MariyaDidi launched the Development of MNDF EKATHA Harbour Project at Sifavaru today. This facility will enhance readiness of MNDF Coast Guard & continue to resonate the defence cooperation of our two forces. pic.twitter.com/wAckYFx85T
— Maldives National Defence Force (@MNDF_Official) May 3, 2023
މި އެއްބަސްވުމުގެ ދަށުން އުތުރު ތިލަފަޅުގައި ޖެޓީއަކާއި، ހާބަރ ރިޕެއަރ ފެސިލިޓީ (އެޗް.އާރް.އެފް)، ސްލިޕްވޭ، އަދި ބަނދަރަށް ބޭނުންވާ އެހެނިހެން ޢުމްރާނީ ވަސީލަތްތައް ތަރައްޤީކުރުމާއި، މުއާޞަލާތީ ވަސީލާތްތަކާއި ރާޑަރުގެ ޚިދުމަތްތައް ތަރައްޤީކުރުމުގައި އިންޑިއާ ސަރުކާރުން ދިވެހި ސަރުކާރަށް އެހީތެރިކަން ފޯރުކޮށްދޭނެކަމަށް ޑިފެންސް މިނިސްޓްރީން ވަނީ ވިދާޅުވެފައެވެ. އަދި އެއްބަސްވުމުގައިވާ ގޮތުގެމަތިން، އިންޑިއާގެ ފަންނީ މާހިރުން، ދިވެހި މުވައްޒަފުން ތަމްރީނުކުރުމާއި، ޑޮކްޔާޑް އަދި ބަނދަރުގައި ޤާއިމުކޮށްފައިވާ އެކިއެކި ވަސީލަތްތައް މަރާމާތުކޮށް ބެލެހެއްޓުމުގައި 15 އަހަރު ދުވަހުގެ މުއްދަތަކަށް އިންޑިއާއިން އެހީތެރިވެދޭނެއެވެ.
އިންޑިއާގެ ދިފާޢީ ވަޒީރު ރާޢްޖެއަށް ކުރެއްވި 3 ދުވަހުގެ ރަސްމީ ދަތުރުފުޅު ނިންމަވާލެއްވުމަށްފަހު އެމަނިކުފާނު މިހާރު ވަނީ ފުރާވަޑައިގެންފައެވެ. އެމަނިކުފާނުގެ މި ދަތުރުފުޅުގައި ރައީސް އިބްރާހީމް މުހައްމަދު ޞާލިހާއި ދިފާޢީ ވަޒީރު މާރިޔާ އަހްމަދު ދީދީ އާއި ޚާރިޖީ ވަޒީރު އަބްދުﷲ ޝާހިދާއި ބައްދަލުކުރައްވައި، ދެ ގައުމުގެ ގުޅުންތައް އިތުރަށް ބަދަހިކުރަން މަޝްވަރާކުރައްވާފައިވެއެވެ.
ރާޖްނަތުގެ މިދަތުރުފުޅުގައި އިންޑިއާ ސަރުކާރުން ރާއްޖެއަށް ހަދިޔާކުރެއްވި ކޯސްޓްގާޑު އުޅަނދު ހުރަވީގެ ބަދަލުގައި، ވަސީލަތްތައް ގިނަ ޒަމާނީ އާ އުޅަނދެއް ހަދިޔާކުރެއްވިއެވެ. އަދި އަސްކަރީ ބައެއް އެހީތައްވެސް ރާއްޖެއަށް ހަދިޔާކުރެއްވިއެވެ.