އެމެރިކާގެ ވޮޝިޓަންގައި ގާއިމް ކުރާ ދިވެހި އެމްބަސީ ހުޅުވުމަށް ޚާރިޖީ ވަޒީރު ޢަބްދުﷲ ޝާހިދު އެގައުމަށް ވަޑައިގެންފިއެވެ.
އެއަރޕޯޓުން މިނިސްޓަރ ޝާހިދުއަށް މަރުހަބާ ދެންނެވީ، ރާއްޖެއިން އެމެރިކާއަށް ކަނޑައަޅުއްވާފައިވާ ހުންނަވާ ސަފީރު ޢަބްދުލްޣަފޫރު މުޙައްމަދުއެވެ. އެމްބަސީ ހުޅުވުމަށްޓަކައި މިވަގުތު ވޮޝިންޓަނުގައި ހުންނަވާ ކުރެއްވި ޓުވީޓެއްގައި މިނިސްޓަރ ޝާހިދު ވިދާޅުވީ އެމެރިކާގައި ގާއިމް ކުރާ ދިވެހި ފުރަތަމަ އެމްބަސީ ހުޅުވުމަށް ވޮޝިންޓަނަށް ވަޑައިގެންނެވުނަކީ ލިބިވަޑައިގެންނެވި އުފަލެއް ކަމަށެވެ. އަދި މި ދަތުރުފުޅަކީ ދެގައުމުގެ ދެމެދުގައި އޮތް އެކުވެރިކަން އިތުރަށް ބަދަހިކޮށް، ދެގައުމުގެ މަސްލަހަތު ހިމެނޭ މުހިންމު ކަންކަމާ ބެހޭ ގޮތުން މަޝްވަރާ ކުރެއްވުމަށް ލިބިވަޑައިގަންނަވާ ފުރުސަތެއްކަމަށާއި އުފެއްދުންތެރި ދަތުރަކަށް ވާނެ ކަމަށް އިންތިޒާރު ކުރައްވާކަމަށެވެ.
Delighted to be in Washington, D.C. to open the Embassy of #Maldives @MDVinUSA and to meet with @SecBlinken and other officials. This visit is an opportunity to further strengthen the friendship between our two countries and discuss key issues of mutual interest. Looking forward… pic.twitter.com/TcHcJx6yDC
— Abdulla Shahid (@abdulla_shahid) June 14, 2023
އެމެރިކާއިން ރާއްޖެއާއެކު ކުރާ ޚާރިޖީ މުއާމަލާތްތައް މިހާރު ކުރިއަށް ގެންދަނީ ސްރީލަންކާގައި ހުންނަ އެމެރިކާ އެމްބަސީ މެދުވެރިކޮށެވެ. އަދި އެމެރިކާގައި ރާއްޖެ ތަމްސީލުކުރަނީ އދ.ގައި ހުންނަ ރާއްޖޭގެ މިޝަން މެދުވެރިކޮށެވެ. ރާއްޖެއާއި އެމެރިކާގައި އެމްބަސީ ޤާއިމްކުރުމަށް ނިންމަވާފައިވަނީ އެމެރިކާގެ އޭރުގެ ސެކްރެޓަރީ އޮފް ސްޓޭޓް މައިކް ޕޮމްޕެއޯ 2020 ވަނަ އަހަރުގެ ސެޕްޓެމްބަރު މަހުގެ ތެރޭގައި ރާއްޖެއަށް ކުރެއްވި ދަތުރުފުޅުގެ ތެރެއިންނެވެ. ރާއްޖޭގައި އެމެރިކާގެ އެމްބަސީ ހުޅުވުމަށް ނިންމަވާފައިވަނީ ހުޅުމާލޭގައި އަލަށް ހުޅުވި އުމަރުޒާހިރު އޮފީސް އިމާރާތުގައެވެ.
ރާއްޖެއާއި އެމެރިކާއާދެމެދު ސިޔާސީ ގުޅުން ޤާއިމްކުރައްވާފައިވަނީ 1966 ވަނަ އަހަރުއެވެ.