ޚަބަރު
މާލޭގެ ގެއެއްގައި މަރުވެފައި އޮތް މީހަކު ފެނިއްޖެ
-
މަރުވެފައި އޮއްވާ ފެނުނީ 43 އަހަރުގެ ދިވެހި ފިރިހެނެއް
-
އޭނާ ފެނުނީ ހެންވޭރުގެ ގެއަކުން
-
އޭޑީކޭ ހޮސްޕިޓަލަށްގެންދިޔަ އިރުވެސް ވަނީ މަރުވެފައި
ފުލުހުންގެ އިދާރާ --
މާލޭގެ ގެއަކުން މަރުވެފައި އޮއްވާ މީހަކު ފެނިއްޖެއެވެ.
ފުލުހުން ވިދާޅުވީ، މަރުވެފައި އޮއްވާ ފެނުނީ 43 އަހަރުގެ ދިވެހި ފިރިހެނެއްކަމަށެވެ. އަދި އޭނާ ފެނިފައިވަނީ ހެންވޭރުގެ ގެއަކުން ކަމަށެވެ. ހެންވޭރުގެ ގެއަކުން ޚަބަރުހުސްވެފައި މީހަކު އޮތްކަމުގެ މަޢުލޫމާތު ފުލުހުންނަށް ރިޕޯޓްކޮށްފައިވަނީ މިއަދު މެންދުރު 13:20 ހާއިރުކަމަށް ފުލުހުން ވިދާޅުވެފައެވެ.
އެމީހާ އޭޑީކޭ ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ހޮސްޕިޓަލާއި ޙަވާލާދީ ފުލުހުން ވިދާޅުވެއެވެ. މިކަމާގުޅިގެން އިތުރަށް ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ