ޕީޕީއެމްގައި ހުރި ކެލާ ނިޒާމް އެމްޑީޕީއަށް!

އިދިކޮޅު ޕީޕީއެމްގެ މެމްބަރެއްގެ ގޮތުގައި ހުންނެވި، ރައްޔިތުންގެ މަޖިލީހުގެ ކުރީގެ މެމްބަރު އަޙްމަދު ނިޒާމް (ކެލާ ނިޒާމް) އެމްޑީޕީއަށް ސޮއިކޮށްފިއެވެ.

ރައްޔިތުންގެ މަޖިލީހުގެ ހއ.އަތޮޅުގެ ކުރީގެ މެމްބަރު އަޙްމަދު ނިޒާމް އެމްޑީޕީއާ ގުޅިވަޑައިގަތުމަށް ބޭއްވި ރަސްމިއްުުޔާތުގައި އޭނާގެ ފޯމާއި ހަވާލުވެވަޑައިގަތީ އެމްޑީޕީގެ ޗެއަރޕާޝަން އަލްއުސްތާޛް ފައްޔާޒު އިސްމާޢީލެވެ.

ރައްޔިތުންގެ ޚާއްޞަ މަޖިލީހުގެ މެންބަރުކަންވެސް ކޮށްފައިވާ އަހުމަދު ނިޒާމާއެކު ކެލާގެ ޚިދުމަތްތެރި ރައްޔިތެއްކަމުގައިވާ ކާނިގަސްދޮށުގޭ ޢަބްދުލް ޙަންނާނު ޢަބްދުލްޤައްޔޫމާއި އެނާގެ އަންހެނުން ޚަދީޖާ ޙަސަންމަނިކުގެ އިތުރުން ތިލަދުންމަތީގެ ބައެއް ޒުވާނުން އެމްޑީޕީއަށް ސޮއިކުރިކަމަށް އެމްޑީޕީން ބުނެއެވެ.

ރިޔާސީ އިންތިހާބަށް ޕާޓީ ވަރުގަދަކުުރުމަށް ކުރައްވާ މަސައްކަތުގެ ތެރެއިން އެމްޑީޕީން ދަނީ އެ ޕާޓީއަށް މެމްބަރުން އިތުރުކުރުމަށް ގިނަ މަސައްކަތްތަކެއް ކުރަމުންނެވެ. އެ މަސައްކަތުގެ ތެރެއިން ގިނަ ބަޔަކު އެ ޕާޓީއާ ގުޅިފައިވާކަމަށްވެސް އެމްޑީޕީން ބުނެއެވެ.