މާލެ ފަޅުގެ ޖާގައިގެ ދަތިކަން ޙައްލުކުރުމުގެ މަސައްކަތް މިހާރު ފަށާފައިވާކަމަށް އެމްޓީސީސީން ބުނެފިއެވެ.
މިކަމާ ބެހޭގޮތުން ދެއްކެވި ވާހަކަފުޅުގައި މިހާރު ދިމާވެފައިވާ އެންމެ ބޮޑު ދަތިކަމަކީ، ފަޅުގެ ޖާގައިގެން ދަތިކަން ކަމަށާއި، އެކަން ޙައްލު ކުރުމުގެ މަސައްކަތް ފަށާފައިވާކަމަށް އެމްޓީސީގެ ސީއީއޯ ޢަބްދުއްރައްޒާޤް ޙަލީމް ވިދާޅުވިއެވެ. ޙަލީމް ވިދާޅުވީ، ފެރީ އިތުރުކުރިނަމަވެސް ފަޅުގެ ދަތިކަން ބޮޑުކަމުން ބާރުބޮޑުވާ ގަޑިތައް ކަމުގައިވާ ޕީކް ގަޑިތަކުގައި، ބޭނުންވާ މިންވަރަށް ދަތުރުތައް ނުކުރެވޭ ކަމަށެވެ.
ބާރު ބޮޑުވެގެން ބައެއް ފަހަރު ފަޅުން ބޭރުގައި ފެރީތައް މަޑުކުރަންޖެހޭ ފަހަރުވެސް އަންނަކަމުގައި ޙަލީމް ވިދާޅުވިއެވެ. މާލެއާ ހުޅުމާލެއާ ދެމެދު ދަތުރުކުރުމަށް އެކަށީގެންވާ ޢަދަދަށް މިހާރުވެސް ފެރީ ހުރިކަން ފާހަގަކުރައްވަމުން ޙަލީމް ވިދާޅުވީ، މި އަހަރުގެ ތެރޭގައި އިތުރު 3 ފެރީ އެމްޓީސީސީގެ ފްލީޓަށް އިތުރު ކުރައްވާނެ ކަމަށެވެ.
އަދި ފެރީތަކުގެ ފެންވަރު ރަނގަޅުކުރައްވައި، ރައްޔިތުންނަށް އެކަށީގެންވާ ޚިދުމަތެއް ދިނުމަށް މަސައްކަތް ކުރައްވާކަމުގައި އޭނާ ވިދާޅުވިއެވެ.