ފާއިތުވި ދެއަހަރުގެ ތެރޭގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީން ތަރައްޤީގެ ގިނަ މަޝްރޫޢުތަކެއް ވަނީ ހިންގާފައެވެ. މިހާރުވެސް އެކުންފުނިން 3.3 ބިލިއަން ރުފިޔާގެ މަޝްރޫޢުތައް ކުރިޔަށް ގެންދާކަމަށް އެކުންފުނިން ބުނެއެވެ. އެމްޓީސީސީން ހިންގާ މަޝްރޫޢުތަކުގެ ބޮޑު ބަޔަކީ ސަރުކާރުން އެކުންފުންޏާއި ޙަވާލުކުރައްވައިގެން ހިންގަވާ ޤައުމީ ތަރައްޤީގެ މަޝްރޫޢުތަކެވެ. img:http://s4.psmnews.mv/images/660x400/2729.jpg|ށ. ފުނަދޫ ރޯޑް ޕްރޮޖެކްޓްގައި ހައުސިން މިނިސްޓަރ މުއިއްޒް އެމްޓީސީސީ އާއެކު ސޮއިކުރައްވަނީ (ފައިލް ފޮޓޯ: ހައުސިން މިނިސްޓްރީ)
މިހާރުވެސް ރައްޖޭގެ ތަރައްޤީއާ ގުޅުން ހުރި 3.3 ބިލިއަން ރުފިޔާގެ 79 މަޝްރޫޢު އެކުންފުނި މެދުވެރިކުރައްވައިގެން ސަރުކާރުން ކުރިއަށް އެބަގެންދެއެވެ. މީގެތެރޭގައި ބަނދަރު ހެދުމުގެ 49 މަޝްރޫޢާއި، ބިންހިއްކުމުގެ 7 މަޝްރޫޢާއި، މަގު ހެދުމުގެ 4 މަޝްރޫޢާއި، ގޮންޑުދޮށް ޙިމާޔަތްކުރުމުގެ 8 މަޝްރޫޢު ހިމެނެއެވެ. އަދި ޢިމާރާތްތައް އެޅުމާއި، އެހެނިހެން މަޝްރޫޢުތައްވެސް ހިމެނެއެވެ. img:http://s3.psmnews.mv/images/660x400/9007.jpg|ހުޅުމާލެއާއި މާލެއާ ދެމެދު ދަތުރުކުރާ ފެރީއެއް - ފައިލް ފޮޓޯ: އެމްޓީސީސީ
އެމްޓީސީސީގެ ސީއީއޯ ޢަބްދުއްރައްޒާޤް ޙަލީމް ވިދާޅުވީ، އެމްޓީސީސީން މަސައްކަތް ކުރަނީ ސަރުކާރުން ރާއްޖެ ތަރައްޤީ ކުރެއްވުމަށް ކުރައްވާ މަސައްކަތްތައް ހަލުވިކަމާއެކު ނިންމައި ރައްޔިތުންނަށް އެކަމުން މަންފާ ހޯދައިދިނުމަށް ކަމަށެވެ. img:http://s2.psmnews.mv/images/660x400/2957.jpg|ހުޅުމާލޭގައި ދަތުރުކުރުމަށް އަލަށް ގެނެސްފައިވާ ބަހެއް - ފައިލް ފޮޓޯ:އެމްޓީސީސީ
ޙަލީމް ވިދާޅުވީ، މަޝްރޫޢުތައް ނިންމަންޖެހޭ ތާރީޚަށް ނިންމުމުގައި ހުރި ގޮންޖހުންތަކަށް ޙައްލު ލިބެމުން އަންނަކަމަށެވެ. ފާއިތުވެދިޔަ ދެ އަހަރުގެ މަސައްކަތުން ކުންފުނީގެ ކެޕޭސިޓީ އިތުރުކޮށްފައިވާ ކަމަށާއި، އަދިވެސް މަޝްރޫޢުތައް އިތުރުވަމުން އަންނަ ނިސްބަތުން ކެޕޭސިޓީ އިތުރުކުރާނެ ކަމަށް ވިދާޅުވިއެވެ. އަދި މިހާރު ހުރި މަޝްރޫޢުތަކުގެ މަސައްކަތް ބާރަށް ކުރިއަށްދާކަން ފާހަގަކުރެއްވިއެވެ.
މިދިޔަ 2014 ވަނަ އަހަރުގެ ސާފު ފައިދާގެ ގޮތުގައި އެމްޓީސީސީއަށް 82 މިލިއަން ރުފިޔާ ވަނީ ލިބިފައެވެ. އަދި 2015 ވަނަ އަހަރު މި އަދަދު 656 މިލިއަން ރުފިޔާއަށް އެކުންފުނިން ވަނީ އިތުރުކޮށްފައެވެ. އަދި މިއަހަރުގެ އަމާޒަކީ ކުންފުންޏަށް ފައިދާގެ ގޮތުގައި 200 މިލިއަން ރުފިޔާ ހޯދުންކަމަށްވެސް ޙަލީމް ވިދާޅުވިއެވެ. img:http://s2.psmnews.mv/images/660x400/7931.jpg|އެމްޓީސީސީ - ކޮންމެ އަހަރަކު 3 މުވައްޒަފަކު އެ ކުންފުނީގެ ޚަރަދުގައި ޙައްޖަށް ފޮނުވުމަށް ވަނީ ނިންމަވާފައި - ފޮޓޯ: ޕީއެސްއެމް ނިއުސް ފައިލް
އެމްޓީސީސީން ވަނީ މިދިޔަ އަހަރުގެ ތެރޭގައި ފެރީގެ ޚިދުމަތް ރަނގަޅުކުރުމުގެ ގޮތުން، 204 މީހުންގެ ޖާގައިގެ ޑަބަލްޑެކް ފެރީ މާލެއާއި ހުޅޫމާލެއާ ދެމެދު ދަތުރުކުރުމަށް ތަޢާރަފްކޮށް، ތ. އަތޮޅާއި، ލ. އަތޮޅުގެ ފެރީގެ ޚިދުމަތް އަލުން ފަށާފައެވެ. އަދި 26 މަޝްރޫޢެއް ނިންމައި، 41 މަޝްރޫއެއް އަލުން ފެށުމުގެ އެއްބަސްވުމުގައި ސޮއިކޮށްފައެވެ. އަދި، މިނިވަން ފަންސާހާ ގުޅުވައިގެން ޖުމްހޫރީ މައިދާން ތަރައްޤީކޮށް، އެތަނުގައި ހަދާފައިވާ މިއުޒިކަލް ފައުންޓެއިންގެ މަސައްކަތަކީވެސް އެމްޓީސީސީން ނިންމާފައިވާ މަޝްރޫޢުތަކެވެ.