ތަޖުރިބާކާރު ނިއުރޯސާޖަން ޑރ. ނިޔާފް ސަރުކާރުގެ މައި ހޮސްޕިޓަލަށް
-
ޑރ. ނިޔާފަކީ ރާއްޖޭގެ ފުރަތަމަ ނިއުރޯސާޖަން
ރާއްޖޭގެ ފުރަތަމަ ނިއުރޯސާޖަން ޑރ. ޢަލީ ނިޔާފް، އޭޑީކޭ އިން ވަކިވެވަޑައިގެން ސަރުކާރުގެ މައި ހޮސްޕިޓަލް، އައިޖީއެމްއެޗާ ގުޅިވަޑައިގެންފިއެވެ.
ޑރ. ނިޔާފް ވަނީ 9 އަހަރަށްވުރެ ގިނަ ދުވަހު އޭޑީކޭ ހޮސްޕިޓަލްގައި ޚިދުމަތްކުރައްވާ، ގިނަ ބައެއްގެ އިތުބާރު ހޯއްދަވާފައެވެ.
އައިޖީއެމްއެޗުން ވިދާޅުވީ، ޑރ. ޢަލީ ނިޔާފް އައިޖީއެމްއެޗާ ގުޅިވަޑައިގަތުމަކީ ލިބޭ ވަރަށް ބޮޑު އުފަލެއް ކަމަށެވެ. ޑރ. ނިޔާފާއެކު ހޮސްޕިޓަލްގެ ޤާބިލުކަން އިތުރުވެ، ބަލިމީހުންނަށް ރަނގަޅު ފަރުވާތަކެއް ފޯރުކޮށްދިނުމުގެ އަމާޒަށް އިތުރު ކުރިއެރުމެއް ލިބިގެންދާނެކަމަށް އެ ހޮސްޕިޓަލުން ވިދާޅުވިއެވެ.
We are thrilled to welcome Dr. Ali Niyaf (Senior Consultant Subspecialist in Neuro-Surgery) as our newest team member.
— IGMH (@igmhmv) July 22, 2024
We are confident that Dr. Niyaf's addition to our team will enhance our capabilities and further our mission to provide exceptional care to our patients. pic.twitter.com/BKJ4yXmrnq
އޭޑީކޭ ހޮސްޕިޓަލުން ވަނީ ޑރ. ނިޔާފްގެ ޚިދުމަތަށް ޝުކުރު އަދާކުރައްވައި، ނިއުރޯސާޖަރީ ޑިޕާޓްމަންޓުގެ ކާމިޔާބީގައި ނިޔާފްގެ ހިއްސާ ވަރަށް ބޮޑުކަން ފާހަގަކުރައްވާފައެވެ. އެ ޑިޕާޓްމަންޓާއި އޭޑީކޭގެ "ޢާއިލާ"ގައި ވެސް ނިޔާފަށް ޚާއްސަ މަގާމެއް އޮންނާނެ ކަމަށް ވަނީ ވިދާޅުވެފައެވެ.
އެ ހޮސްޕިޓަލުން ވެސް ވަނީ ޑރ. ނިޔާފްގެ ކުރިއެރުމަށް މަރުހަބާ ކިޔާފައެވެ.
ޑރ.ޢަލީ ނިޔާފަކީ ރާއްޖޭގެ ފުރަތަމަ ނިއުރޯސާޖަން ގެ އިތުރުން، ނިއުރޯސާޖަރީއާ ގުޅޭ އެކިއެކި ދާއިރާތަކުން ދިރާސާ ހައްދަވައި ދިރާސާތަކުގެ ނަތީޖާ ޝާއިއު ކުރައްވާފައިވާ ތަޖުރިބާކާރު ޑޮކްޓަރެކެވެ. އޭނާ ވަނީ، އެމެރިކާ، ރަޝިއާ، އިންޑިއާ އަދި ބްރެޒިލްގެ އިތުރުން ނޭޕާލުން ތަޢުލީމާއި ތަމްރީން ހާސިލްކުރައްވާފައެވެ.