ރައީސުލްޖުމްހޫރިއްޔާ ޖަރުމަންވިލާތުގެ ވެރިންނަށް ތަހުނިޔާ ވިދާޅުވެއްޖެ
-
ޖަރުމަނުގެ އެއްބައިވަންތަކަމުގެ ދުވަހަކީ 1990 ވަނަ އަހަރު ޖަރުމަނު އަލުން އެއްބައިވަންތަވި ދުވަސް
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޖަރުމަނުވިލާތުގެ އެއްބައިވަންތަކަމުގެ ދުވަހުގެ ތަހުނިޔާ، އެ ޤައުމުގެ ރައީސް ފްރޭންކް-ވޯލްޓަރ ސްޓެއިންމަޔަރ އަށާއި، ޗާންސެލަރ އޯލަފް ޝޮލްޓްސަށް، އަރިސްކުރައްވައިފިއެވެ.
ޖަރުމަނުވިލާތުގެ އެއްބައިވަންތަކަމުގެ ދުވަހުގެ ތަހުނިޔާ އަރިސްކުރައްވައި ރައީސް ސްޓެއިންމަޔަރއަށް ފޮނުއްވި ސިޓީފުޅުގައި ރައީސުލްޖުމްހޫރިއްޔާ ވިދާޅުވީ، ޖަރުމަނުވިލާތުގެ އެއްބައިވަންތަކަމުގެ ދުވަހަކީ، އެ ޤައުމު ބައްޓަންކުރުމުގެ މުހިއްމު ބަހާތަކެއް ކަމުގައިވާ އެއްބައިވަންތަކަމާއި ވިލުންތެރިކަމުގެ ރޫޙު ދައްކުވައިދޭ ދުވަހެއްކަމަށެވެ. ޗާންސެލަރ ޝޮލްޓްސަށް ވަކިން ފޮނުއްވި ސިޓީފުޅުގައި ރައީސުލްޖުމްހޫރިއްޔާ ވަނީ، ޖަރުމަނުވިލާތުގެ އެއްބައިވަންތަކަމުގެ ދުވަހުގެ އުފާވެރި މުނާސަބަތުގައި ތަހުނިޔާ އަރިސްކުރައްވާފައެވެ. އަދި، ރައީސް ސްޓެއިންމަޔަރ އާއި ޗާންސެލަރ ޝޮލްޓްސަށް ފުރިހަމަ ސިއްޙަތަކަށް އެދިވަޑައިގަންނަވާ ކަމަށާއި، ޖަރުމަނުވިލާތުގެ ރައްޔިތުންނަށް އަމާންކަމާއި ކުރިއެރުމާއި ފާގަތިކަމަށް އެދިވަޑައިގަންނަވާކަމަށް ރައީސުލްޖުމްހޫރިއްޔާ ވިދާޅުވެފައިވެއެވެ.
ޖަރުމަނުވިލާތުގެ އެއްބައިވަންތަކަމުގެ ދުވަސް ފާހަގަކުރަނީ، ހުޅަނގާއި އިރުމަތީ ޖަރުމަން ވަކިކުރެވިފައި އޮތް އޮތުން، 1990 ވަނަ އަހަރު ނިމުމަކަށްގެނައި ދުވަސް އިޙުތިފާލުކުރުމުގެ ގޮތުންނެވެ..