ޖަރުމަން ލީގުގައި ރޭ ސްޓުޓްގާޓާ ދެކޮޅަށް ކުޅުނު މެޗުން 4-0 ގެ ނަތީޖާއަކުން ބަޔާން މިއުނިކް މޮޅުވިއިރު، އެ ޓީމުގެ ތަރި ހެރީ ކޭން ހެޓްރިކް ހަދައިފިއެވެ.
ބަޔާން ގެ އެލިއަންޒް އެރީނާގައި ކުޅުނު މި މެޗުގެ ފުރަތަމަ ހާފްގައި އެއްވެސް ޓީމަކަށް ލަނޑެއް ކާމިޔާބު ކުރެވިފައިނުވި ނަމަވެސް ބަޔާން މިއުނިކަށް ވަނީ ލަނޑު ޖަހާނެ ރަގަޅު ފުރުސަތުތަކެއް ލިބިފަ އެވެ.
މި މެޗުގައި ބަޔާން އިން ސްޓަޓްގާޓްގެ ގޯލު ހުޅުވާލާފައިވަނީ މެޗުގެ 57 ވަނަ މިނިޓުގައި ހެރީ ކޭން ކާމިޔާބުކޮށްފިން ލަނޑުންނެވެ. އަދި އޭގެ ތިން މިނިޓް ފަހުން އޭނާ ވަނީ އިތުރު ލަނޑެއް ކާމިޔާބުކޮށް ދެ ޓީމުގެ ދެމެދުގައިވާ ފަރަގު ބޮޑުކޮށްފަ އެވެ.
ބަޔާން އިން މި މެޗުގައި ޖެހި ތިންވަނަ ލަނޑޫ މެޗުގެ 80 ވަނަ މިނިޓުގައި އެ ޓީމަށް ކާމިޔާބުކޮށްދީ ހެރީ ކޭން ވަނީ ހެޓްރިކް ހަދާފަ އެވެ.
މި މެޗުގައި ބަޔާން މިއުނިކްގެ ހަތަރު ވަނަ ލަނޑު މެޗުގެ 89 ވަނަ މިނިޓުގައި އެ ޓީމަށް ކާމިޔާބު ކޮށްދީފައިވަނީ ކިންގްސްލީ ކޯމަން އެވެ.
ބަޔާން މިއުނިކް މި މެޗުން މޮޅުވެފައިވާއިރު އެ ޓީމު އެންމެ ފަހުން ކުޅުނު ތިން މެޗުގެ ތެރެއިން އެއްވެސް މެޗަކުން މޮޅުވެފައެއް ނުވެއެވެ.
އެހެންކަމުން އަންނަ ބުދަ ދުވަހު ޗެމްޕިއަންސް ލީގުގައި ސްޕެއިންގެ ބާސެލޯނާ އާއި ދެކޮޅަށް ރަށުން ބޭރުގައި ކުޅޭ މެޗުގެ ކުރިން މިއީ އެ ޓީމަށް ލިބުނު ވަރަށް ބޮޑު އިތުބާރަކާއި ހިތްހަމަޖެހުމެކެވެ.