ބޫޓާން ޓީ20 އިންޓަނޭޝަނަލް ކުއަޑްރަންގިއުލާ ސީރީސްގެ ޗެމްޕިއަންކަން ހޯދި ތައިލެންޑް ޓީމު --- ފޮޓޯ: ބޫޓާން ކްރިކެޓް
ބޫޓާން ޓީ20 އިންޓަނޭޝަނަލް ކުއަޑްރަންގިއުލާ ސީރީސްގައި ރާއްޖެ އާއި ތައިލެންޑް ބައްދަލުކުރަން އޮތް ފައިނަލް މެޗު ވިއްސާރަވުމުގެ ސަބަބުން ކެންސަލް ކުރިއިރު، މުބާރާތުގެ ޗެމްޕިއަންކަން ތައިލެންޑަށް ދީފިއެވެ.
ބޫޓާންގެ ފުރަތަމަ ކްރިކެޓް ދަނޑު ހުޅުވުމުގެ ގޮތުން ބޭއްވި މި މުބާރާތުގައި އެ ގައުމުގެ އިތުރުން ދެން ވާދަކޮށްފައިވަނީ ރާއްޖެ އާއި، އިންޑޮނޭޝިއާ އަދި ތައިލެންޑެވެ.
މުބާރާތުގެ ފައިނަލް މެޗު މިއަދު ހެނދުނު ކުޅެން ތާވަލުކުރި ނަމަވެސް، ވިއްސާރައިގެ ސަބަބުން މެޗު ކުރިއަށް ގެންދެވިފައެއް ނުވެއެވެ. އެއާއެކު ލީގު ބުރާއި، ނެޓް-ރަން-ރޭޓަށް ބެލުމަށްފަހު ޗެމްޕިއަންކަން ވަނީ ތައިލެންޑަށް ދީފައެވެ. ލީގު ބުރުގެ އެއްވަނަ ތައިލެންޑުން ހޯދިއިރު، އެ ޓީމުން ވަނީ ލީގު ބުރުގެ ފަހު މެޗުގައި 44 ލަނޑުން ރާއްޖެ ބަލިކޮށްފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ