ބޮޑެތި ކާރިސާތަކުގެ ހާލަތުގައި ގުޅިގެން މަސައްކަތްކުރުން ވަރުގަދަކުރުމުގެ ބައްދަލުވުމެއް ބާއްވައިފި
-
މިބައްދަލުވުން ބާއްވާފައިވަނީ މިމަހުގެ 4 އިން 5 އަށް
-
ބައްދަލުވުމުގައި ސަރުކާރުގެ 13 މިނިސްޓަރީއަކާއި އެޖެންސީއަކުން ބައިވެރިވެފައިވާއިވޭ
ޤައުމީ ފެންވަރުގައި ކަންބޮޑުވާ ވަރުގެ ބޮޑެތި ހާދިސާތަކުގެ ވަގުތުގައި ސަރުކާރުގެ ކަމާއި ގުޅޭ މުއައްސަސާތަކުން ތައްޔާރީ ޙާލަތުގައި ތިބުމަށްޓަކައި ޤާއިމުކުރަންޖެހޭ އިންްތިޒާމުތައް ފުޅާކުރުމާއި ގުޅޭ މަޝްވަރާ ބައްދަލުކުރެއްވުމެއް ބާއްވައިފިއެވެ.
މިމަޝްވަރާ ބައްދަލުވުން ބާއްވާފައިވަނީ ދިވެހި ސަރުކާރާއި އިނގިރޭސި ހައިކޮމިޝަނާ ގުޅިގެންނެވެ. މި މަސައްކަތު ބައްދަލުވުން ބާއްވާފައިވަނީ މިމަހުގެ 4 އިން 5 އަށް މާލޭގައެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ، މި މަސައްކަތު ބައްދަލުވުމުގެ މައިގަނޑު ބޭނުމަކީ ޤައުމީ ފެންވަރުގައި ކަންބޮޑުވާ ވަރުގެ ބޮޑެތި ހާދިސާތައް، މިސާލަކަށް ބޮޑު ކާރިސާއެއް ނުވަތަ ޓެރަރިޒަމްގެ ހާދިސާއެއްގެ ހާލަތުގައި ސަރުކާރުގެ އެކިއެކި ގުނަންތަކުގެ މެދުގައި އޮތް ގުޅުމާއި މުވާސަލާތުކުރުމުގެ ނިޒާމުތައް ހަރުދަނާކުރުމަށް އަމާޒުކޮށް އެކިއެކި އެޖެންސީތަކުގެ މެދުގައި ގުޅިގެން ކުރެވޭ މަސައްކަތް އިތުރަށް ބަދަހިކުރުންކަމަށެވެ.
މި މަސައްކަތު ބައްދަލުވުމުގައި ސަރުކާރުގެ 13 މިނިސްޓަރީއަކާއި އެޖެންސީއަކުން ބައިވެރިވެފައިވާއިރު، މި މަސައްކަތު ބައްދަލުވުން ކުރިއަށްގެންދަވާފައިވަނީ ކާމާބެހޭ އިނގިރޭސިވިލާތުގެ މި ދާއިރާގެ ތަޖުރިބާކާރު ބޭފުޅުންކަމަށް ރައީސް އޮފީހުން ވިދާޅުވެއެވެ.