މަސްވެރިންގެ ޙައްގުތައް ހިމާޔަތްކުރުމަށް ރައީސް ކުރައްވާ މަސައްކަތްޕުޅަށް މަޖިލީހުގެ ރައީސްގެ ޝުކުރު

މަސްވެރިންގެ ޙައްގުތައް ހިމާޔަތްކުރުމަށް ރައީސުލްޖުމްޙޫރިއްޔާ ޑރ. މުޙައްމަދު ކުރައްވަމުންގެންދަވާ މަސައްކަތްތަކަށް ރައްޔިތުންގެ މަޖިލީހުގެ ރައީސް ޢަބްދުއްރަހީމް ޢަބްދުﷲ ޝުކުރު އަދާކުރައްވައިފިއެވެ.

ސޯޝަލް މީޑިއާގައި ކުރެއްވި ޕޯސްޓެއްގައި ރައްޔިތުންގެ މަޖިލީހުގެ ރައީސް ވަނީ މަސްވެރިންގެ ދުވަހުގެ ހެޔޮއެދުންތައް، މަސްވެރިންނާއި، މަސްވެރި އާއިލާތަކާއި، އޮޑިވެރީންނާއި، މަސްވެރިކަމުގެ ދާއިރާގައި ހަރަކާތްތެރިވާ އެންމެހާ ފަރާތްތަކަށް އަރިސްކުރައްވާފައެވެ.

މަޖިލީހުގެ ރައީސް ވިދާޅުވީ މަސްވެރީންގެ ހައްޤުތައް ހިމާޔަތްކޮށް، ވާރެއާއި އަވީގައި، ދުވާލާއި ރޭގަނޑު، ބިޔަ ކަނޑުތަކުގައި، ދިވެހި މަސްވެރިންކުރާ ހިންމަތުގެ އަގު އިހުތިރާމާއެކު ވަޒަންކުރުމަކީ ގައުމީ ވާޖިބެއް ވިދާޅުވެ، ދިވެހި މަސްވެރިން ބާނާ މަހަށް 48 ގަޑިއިރު ތެރޭގައި ފައިސާ ދެވޭނޭ މަގު ފަހިކޮށްދެއްވީތީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒުއަށް ހިފެހެއްޓުމެއް ނެތް ޝުކުރާއި ތަޙްނިޔާ ދަންނަވާކަމަށެވެ.

ދިވެހިރާއްޖޭގެ ފަޚުރުވެރި މަސްވެރިންގެ ދުވަހުގެ ހެޔޮއެދުންތައް، ރާއްޖޭގެ ހީވާގި މަސްވެރިންނާއި، މަސްވެރި އާއިލާތަކާއި، އޮޑިވެރީންނާއި، މަސްވެރިކަމުގެ ދާއިރާގައި ހަރަކާތްތެރިވާ އެންމެހާ ފަރާތްތަކަށް، ހިތުގެ އިޚްލާޞްތެރިކަމާއިއެކު އަރިސް ކުރަމެވެ.

މަސްވެރީންގެ ހައްޤުތައް…

— Abdul Raheem Abdulla (@Banafsaa) December 10, 2024

މަޖިލީހުގެ ރައީސް މިހެން ވިދާޅުވެފައިވާއިރު، މަސްވެރިންގެ ހުރި ކަންބޮޑުވުންތައް ހައްލުކުރުމަށް ސަރުކާރުން އަންނަނީ ގިނަ މަސައްކަތްތަކެއް ކުރައްވަމުންނެވެ. އެގޮތުން، މަސްވެރިންނަށް މިހާތަނަށް ނުދީ ހުރި ފައިސާ ދައްކާ ވަނީ ޚަލާސްކޮށްފައެވެ. އަދި ކުރިއަށް އޮތްތަނުގައި މަސްވެރިންނަށް ދޭންޖެހި ފައިސާ ނުދީ ނުވަތަ ބެކްލޮގެއް ނުބާއްވާނެކަމުގެ ޔަޤީންކަންވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ދެއްވާފައެވެ.