އަލިފާނުގެ ހާދިސާ: ބިނާރާބެހޭ ވުޒާރާގެ އާންމު ޚިދުމަތްތައް މެދުކަނޑާލައިފި

އިމާރާތްކުރުމާއި ބިނާރާ ބެހޭ ވުޒާރާއިން ދެމުންދިޔަ ޚިދުމަތެއް މެދުކަނޑާލާފައިވާކަމަށް އެ ވުޒާރާއިން ވިދާޅުވެއްޖެއެވެ.

އެ ވުޒާރާއިން މިކަން ހާމަކޮށް ނެރެފައިވާ ނޫސްބަޔާނުގައި ވިދާޅުވީ، މިއަދު ހެނދުނު އެ ވުޒާރާގައި ރޯވި އަލިފާނާއި ގުޅިގެން އިމާރާތަށް ވަރަށް ބޮޑަށް ގެއްލުން ވެފައިވާ ކަމަށެވެ. އަދި މި ހާދިސާއާއި ގުޅިގެން އެ ވުޒާރާގެ އެއްވެސް މުވައްޒަފަކަށް އަނިޔާވެފައިވާ ނުވާ ކަމަށް ބިނާރާ ބެހޭ ވުޒާރާއިން ވިދާޅުވެއެވެ.

އެ ވުޒާރާއިން ވިދާޅުވީ މި ހާދިސާގެ ސަބަބުން އެ ވުޒާރާއިން ދެމުންދިޔަ އާންމު ޚިދުމަތްތައް ހުއްޓިިފައިވާ ކަމަށެވެ. އަދި މިކަމާއި ގުޅިގެން އެ ވުޒާރާގެ މަސައްކަތްތައް އަލުން ފެށޭނެ ތާރީހެއް ކަނޑައެޅުމަށް ފަހު، ފަހުން ޢިއުލާން ކުރައްވާނެ ކަމަށް އެ ވުޒާރާއިން ވިދާޅުވެއެވެ.

އިމާރާތްކުރުމާއި ބިނާރާބެހޭ ވުޒާރާއަކީ ރާއްޖޭގެ އިމަރާތްކުރުމުގެ ދައިރާގެ ގިނަ ހުއްދަތަކެއް ދެމުން އަންނަ ވުޒާރާއެކެވެ.

މިއަދު ހެނދުނު އަލިފާން ރޯވެފައިވަނީ، ގެދޮރުވެރިކަމާއި ބެހޭ ވުޒާރާއާއި، އިމާރާތްކުރުމާއި ބިނާރާ ބެހޭ ވުޒާރާގެ ވެސް ހިންގަމުންދާ އިމާރާތުގައެވެ. އަދި މި އިމާރާތުގައި މާލެ ސިޓީ ކައުންސިލުގެ ރައްވެހިކަމުގެ މަސައްކަތްތައް ކުރަމުންދެއެވެ. މި އަލިފާނުގެ އަސަރު މި ހަދިސާ ހިންގި އިމަރާތާއިން އިންވެގެން ހުރި ތިމާވެއްޓާއި ބެހޭ ވުޒާރާއަށްވެސް ކޮށްފައިވާ ކަމަށް އެމްއެންއެންޑީއެފްއިން ވަނީ ވިދާޅުވެފައެވެ.