މިހާރު ކުރިއަށްދާ އޮސްޓްރޭލިއަން އޯޕަން ޓެނިސް މުބާރާތުގައި ވާދަކުރާ ކުޅުންތެރިންގެ ތެރެއިން އުމުރުން 38 އަހަރުގެ އެންމެ މޮޅު ކުޅުންތެރިއަކީ ގައެލް މޮންފިލްސް ކަމަށް އޭނާ ބުނެފި އެވެ.
ފްރާންސްގެ ގައެލް މޮންފިލްސް މިހެން ބުނެފައިވަނީ އޮސްޓްރޭލިއަން އޯޕަން ޓެނިސް މުބާރާތުގެ ތިންވަނަ ބުރުގައި މިދިޔަ އަހަރުގެ ޔޫއެސް އޯޕަން ޗެމްޕިއަން އެމެރިކާގެ ޓޭލާ ފްރިޓްޒް ބަލިކުރުމަށްފަހު މުބާރާތުގެ ހަތަރުވަނަ ބުރުގެ ޖާގައެއް ހޯދުމަށްފަހުގަ އެވެ.
މި މެޗަށްފަހު ވާހަކަ ދައްކަމުން މޮންފިލްސް ބުނެފައިވަނީ މި މުބާރާތުގައި ވާދަކުރާ ކުޅުންތެރިންގެ ތެރެއިން އުމުރުން 38 އަހަރުގެ އެންމެ މޮޅު ކުޅުންތެރިއަކީ އޭނާ ކަމަށާއި އެކަމާއި ސުވާލެއްވެސް ނެތް ކަމަށެވެ.
އޭނާ އިތުރަށް ބުނެފައިވަނީ މުބާރާތުގައި ވާދަކުރާ އެހެން ކުޅުންތެރިންނާއި އަޅާބަލާއިރު އޭނާ އަށް އުމުރުން ދުވަސްވެފައިވީ ނަމަވެސް ތަޖުރިބާގެ ގޮތުން ތަފާތުތަކެއް އެބަހުރި ކަމަށާއި އެހެންކަމުން އެކަންތައް މެޗުތަކުން ފެންނަމުންދާނެ ކަމަށެވެ.
ދުނިޔޭގެ ރޭންކިންގެ ހަތަރުވަނަ މަގާމުގައި މިވަގުތު ހުރި ފްރިޓްޒް އާއި ދެކޮޅަށް މޮންފިލްސް ކުޅުނު މި މެޗުގެ ސެޓުތައް އޭނާ ކާމިޔާބު ކޮށްފައިވަނީ ތިނެއް ހައެއް, ހަތެއް ފަހެއް އަދި ހައެއް ހަތަރެއްގެ ނަތީޖާއަކުން މެޗު ކާމިޔާބު ކުރުމަށްފަހުގަ އެވެ.
މި މުބާރާތުގައި އިއްޔެ ކުޅުނު އެހެން މެޗުތަކަށް ބަލާއިރު އެންމެ ފަހުގެ ޗެމްޕިއަން ޔަނިކް ސިނާ ވަނީ އެމެރިކާ މާކޮސް ގިރޮން ދެ ސެޓު އެއް ސެޓުން ބަލިކުރުމަށްފަހު މުބާރާތުގެ ހަތަރުވަނަ ބުރުގެ ޖާގައެއް ހޯދާފަ އެވެ.