އޭސީސީއަށް ޢައްޔަންކުރުމަށް ފޮނުއްވި ދެބޭފުޅުންގެ ނަން ދިރާސާކުރުމަށް ކޮމިޓީއަށް
-
އޭސީސީގެ މެންބަރުކަމުގެ މަޤާމު ހުސްވީ 2 މެންބަރުން އިސްތިއުފާދެއްވުމުން
-
ރައީސް ފޮނުއްވާފައިވާ ނަންފުޅުތައް ދިރާސާކުރުމަށް މިއަދު ކޮމިޓީން ވަނީ ތައާވަލުކޮށްފައި
އެންޓިކޮރަޕްޝަން ކޮމިޝަން، އޭސީސީގެ ހުސްވެފައިވާ މެންބަރުކަމުގެ މަޤާމަށް ދެބޭފުޅަކު އައްޔަންކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވާފައިވާ މައްސަލަ ދިރާސާކުރުމަށް ކޮމިޓީއަށް ފޮނުވައިފިއެވެ.
އެސީސީގެ ހުސްވެފައިވާ ދެ މެންބަރުންގެ މަގާމަށް ޢައްޔަންކުރެއްވުމަށް ރަސީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވަނީ މއ. ގޯލްޑަންމޫން، އަހުމަދު ނާޝިދު އާއި ރ. އަލިފުށި، ފަސާނާ، އަބްދުﷲ ނާޝިދުގެ ނަންފުޅެވެ.
އެ ދެބޭފުޅުންނާ ގުޅޭގޮތުން އެއްވެސް ޝަކުވާއެއްވާނަމަ އެ ޝަކުވާ ހުށަހެޅުމުގެ ފުރުސަތުވަނީ ހުޅުވާލާފައެވެ. މި ފުރުސަތު ހުޅުވާލީ މިއަދުގެ 11:30 އާ ހަމައަށެވެ.
އެންޓި-ކޮރަޕްޝަން ކޮމިޝަނުގެ ދެ މެންބަރެއްގެ މަޤާމު ހުސްވެފައިވަނީ އެ ކޮމިޝަންގެ ނައިބު ރައީސް އަބްދުލްސަލާމާއި މެމްބަރު ޠާހާ މުހައްމަދު މަޤާމުން އިސްތިއުފާ ދެއްވުމާއިގުޅިގެންނެވެ. ދެ މެންބަރުން އިސްތިއުފާ ދެއްވީ ނުފޫޒު ފޯރުވުމާ ކޮރަޕްޝަންގެ ބޮޑެތި ތުހުމަތުތަކެއް ކުރެވި، އެ ދެ މެންބަރުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން ނިންމާފައިވަނިކޮށެވެ.