ސަންފްރަންޓް ސެންޓްރަލް، ގިނަ ބާވަތްތަކެއްގެ ހާޑްވެއަރއާއި ހޯމް އެޕްލަޔަންސް އެއްތަނަކުން ލިބޭ ފިހާރައެއް

ގިނަ ބާވަތްތަކެއް ހާޑްވެއަރއާއި ހޯމް އެޕްލަޔަންސާއި ޕަވަރޓޫލްސްއާއި ހޭންޑްޓޫލްސް އެއްތަނަކުން ލިބޭ ފިހާރައެއް ސަންފްރަންޓުން މާލޭގައި ހުޅުވައިފިއެވެ. "ސަންފްރަންޓް ސެންޓްރަލް" ގެ ނަމުގައި މި ފިހާރަ ހުޅުވާފައިވަނީ މަޖީދީމަގުގައި މ. ހާވިލާގައެވެ.

ދެ ފަންގިފިލާއަށް ހުޅުވި ސަންފްރަންޓް ސެންޓްރަލްގައި ވިއްކާ އެކި ބްރޭންޑުތަކުގެ އުފެއްދުންތަކަކީ ރާއްޖޭގެ މާހައުލަށާއި ކަސްޓަމަރުންގެ ބޭނުންތަކަށް ބަލައިގެން އިހުތިޔާރުކޮށްފައިވާ ކޮލިޓީ އުފެއްދުންތައްކަމަށް ސަންފްރަންޓުން މައުލޫމާތު ދެއެވެ. އަދި ކަސްޓަމަރުންނަށް ވިއްކާ އުފެއްދުމެއްގައި މެނުފެކްޗަރިން މައްސަލައެއް ހުރެއްޖެނަމަ އެ މައްސަލައެއްގެ ހައްލު ފޯރުކޮށްދިނުމަށް އަބަދުވެސް ސަމާލުކަން ދޭނެކަމަށް އެ ކުންފުނިން ބުނެއެވެ.

އެ ފިހާރައިން ވިއްކާ ހުރިހާ އުފެއްދުމެއްގެވެސް އަގު ކަނޑައަޅާފައިވަނީ އެތަކެތީގެ ކޮލިޓީއާ އަޅާބަލާއިރު ވަރަށް ހެޔޮ އަގެއްގައިކަމަށް ކަސްޓަމަރުންނަށްވެސް ގަބޫލުކުރެވޭނެކަމަށް ސަންފްރަންޓުން ބުންޏެވެ.

ސަންފްރަންޓް ސެންޓްރަލް ހުޅުވުމާ ގުޅިގެން ހާއްސަ ޕްރޮމޯޝަންތަކާއި ހަރަކާތްތައް ވަނީ ފަށައިފައެވެ. އެގޮތުން، އެ ފިހާރައިން ވިޔަފާރިކުރާ ފަރާތްތަކަށް ކޫޕަނުން އަގުހުރި އިނާމްތައް ލިބޭ ޕްރޮމޯޝަނަކާއި ވިޔަފާރިކޮށްގެން ކޮންމެ ދުވަހަކު ހަދިޔާ ލިބޭ ޕްރޮމޯޝަނެއް ވަނީ ފަށާފައެވެ.

ސަންފްރަންޓުގެ އައު ފިހާރަ ހުޅުވާފައި ހުންނާނީ ހުކުރު ދުވަސް ފިޔަވައި އެހެން ހުރިހާ ދުވަހެއްގެ ހެނދުނު 9:00އިން 12:00، މެންދުރު 13:30އިން 18:00 އަށް އަދި ރޭގްނޑު 20:00އިން 22:00 އަށްކަމަށް ސަންފްރަންޓުން ބުންޏެވެ.