ދުނިޔޭގެ އެންމެ މޮޅު އަންހެން ފުޓްބޯޅަ ޓީމަކީ އަނެއްކާ ވެސް ބާސެލޯނާ ކަމަށް އިންޓަނޭޝަނަލް ފެޑަރޭޝަން އޮފް ފުޓްބޯލލް ހިސްޓްރީ އެންޑް ސްޓެޓިސްޓިކްސްއިން ނިންމައިފި އެވެ.
މިއީ މި މަގާމު ބާސެލޯނާ ހާސިލްކުރި ވިދިވިދިގެން ހަތަރުވަނަ ފަހަރެވެ. މި ފަހަރު އެ ޓީމަށް އެއްވަނަ ލިބުނީ 324 ޕޮއިންޓުންނެވެ. ބާސެލޯނާވަނީ ނިމިދިޔަ ސީޒަނުގައި ސްޕެނިޝް ލީގާއި ސްޕެނިޝް ސުޕަ ކަޕް އަދި ކޮޕާޑެލްރޭ އާއި އަންހެނުންގެ ޗެމްޕިއަންސް ލީގު ފުޓްބޯޅަ މުބާރާތް ވެސް ކާމިޔާބުކޮށްފަ އެވެ.
ދެ ވަނަ ޓީމަކަށް ހޮވުނީ ފްރާންސްގެ ލިއޯން އެވެ. އެއީ 256 ޕޮއިންޓުންނެވެ. ތިން ވަނަ އިނގިރޭސިވިލާތުގެ ޗެލްސީއަށެވެ. އެ ކުލަބަށް 228 ޕޮއިންޓް ލިބުނުއިރު ހަތަރު ވަނަ އަށް ބްރެޒިލްގެ ކޮރިންތިއަންސް އަށް ލިބުނީ 225 ޕޮއިންޓެވެ. ފަސް ވަނާގައިވަނީ ބާސެލޯނާގެ އެންމެ ބޮޑު ވާދަވެރިޔާ ސްޕޭނުގެ ރެއާލް މެޑްރިޑެވެ. އެކުލަބަށް ލިބުނީ 215 ޕޮއިންޓެވެ.
މިއަށްވުރެ ފަހަތުގައި އުޅެނީ ޖަރުމަނުގެ ވުލްފުސްބާގް އާއި އާސެނަލް އަދި މެންޗެސްޓާ ސިޓީ އާއި ޓައިގާސް ކުލަބާއި އިންޗިއޮން ހައުންޑާއި އާއި ކްލަބް އެމެރިކާ އާއި މޮންޓެރެރޭ އާއި ގޯތަމް އަދި އިޓަލީގެ ރޯމާ އެވެ.