އިންޑިޔާގެ ޖުމްހޫރީ ދުވަހުގެ ތަޙުނިޔާއާއި އޮސްޓްރޭލިއާ ޑޭގެ ތަޙުނިޔާ ނައިބު ރައީސް ފޮނުއްވައިފި

އިންޑިޔާގެ ޖުމްހޫރީ ދުވަހުގެ ތަޙުނިޔާއާއި އޮސްޓްރޭލިއާ ޑޭގެ ތަޙުނިޔާ ރައީސުލްޖުމްހޫރިއްޔާގެ ނައިބު އަލްއުސްޠާޛް ޙުސައިން މުޙައްމަދު ލަތީފް ފޮނުއްވައިފިއެވެ.

އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާގެ ނައިބު ވިދާޅުވީ އިންޑިއާގެ ޖުމްހޫރީ ދުވަހުގެ ތަޙުނިޔާ އެ ޤައުމުގެ ނައިބު ރައީސް ޖަގްދީޕް ދަންކަރްއަށާއި އެކުވެރި އިންޑިޔާގެ ރައްޔިތުންނަށް އަރިސްކުރާކަމަށެވެ.

ޖުމްހޫރީ ދުވަސް ފާހަގަކުރަމުންދާއިރު، އިންޑިޔާގެ ރައްޔިތުންނަށް ފުރިހަމަ މިނިވަންކަމާއި އުފާ ފާގަތިކަމަށް އެދިވަޑައިގަންނަވާކަމަށް ނައިބު ރައީސް ވިދާޅުވިއެވެ.
އަދި ކުރިމަގުގައިވެސް އިންޑިޔާއާއި ދިވެހިރާއްޖެ ގުޅިގެން ގިނަ މަސައްކަތްތަކެއް ކުރިއަށްދާނެކަމަށް އުއްމީދުކުރައްވާކަމުގައި ވިދާޅުވިއެވެ.

މީގެއިތުރުން ނައިބު ރައީސް އަލްއިސްޠާޛު ޙުސައިން މުޙައްމަދު ލަތީފް ވަނީ އޮސްޓްރޭލިއާ ޑޭގެ ހެޔޮ އެދުންތައް އެ ޤައުމުގެ ސަރުކާރާ ރައްޔިތުންނަށް ފޮނުއްވާފައެވެ. ދިވެހިރާއްޖެއާއި އޮސްޓްރޭލިއާއާ ދެމެދުގައި އޮތް ގުޅުން، ކުރިމަގުގައި އިތުރަށް ބަދަހިވެގެންދާނެކަމަށް އުއްމީދުކުރައްވާކަމަށް ނައިބު ރައީސް ވަނީ ވިދާޅުވެފައެވެ.