އެމްޑީޕީގެ އެކްޓިވިސްޓް މަރިޔަމް ޒުބައިރުގެ ގަޔަށް ކަޅުތެޔޮޖެހުން ބަލައިނުގަނެވޭ: މެޑަމް ސާޖިދާ

މޯލްޑިވިއަން ޑިމޮކްރެޓިކް ޕާޓީ އެމްޑީޕީގެ އެކްޓިވިސްޓް، މަރިޔަމް ޒުބައިރުގެ ގަޔަށް ކަޅުތެޔޮ ޖެހުން ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ހަރުކަށި އިބާރާތުން ކުށްވެރިކުރައްވައިފިއެވެ.

މިކަމާއި ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވީ، އެއްވެސް މީހަކަށް މިފަދައިން ޙަމަލާދީ އަދި އުނދަގޫކުރުމަކީ ބަލައިގަނެވޭ ކަމެއްނޫންކަމަށެވެ. މިވަގުތު ކަންކަން ހަލަބޮލި ނުކުރައްވާ، އިންޞާފު ޤާއިމުކުރުމަށް ޖާގަދެއްވުމަށް ރައީސްގެ އަނބިކަނބަލުން ވަނީ އިލްތިމާސްކުރައްވާފައެވެ.

I strongly condemn the act of splashing black oil on MDP activist Mariyam Zubair last night. Such attacks and harassment are completely unacceptable. I call on everyone to avoid escalating tension at a time like this and allow for the process of justice to be facilitated.

— First Lady Sajidha Mohamed (@sajidhaamohamed) March 17, 2025

ރައީސުލްޖުމްހޫރިއްޔާގެ އަނބިކަނބަލުން މިފަދައިން ވިދާޅުވެފައިމިވަނީ އެމްޑީޕީގެ ސިލްސިލާ މުޒާހަރާތަކުގެ ތެރެއިން މިމަހުގެ 12ވަނަ ދުވަހު ކުރިއަށް ދިޔަ މުޒާހަރާގައި މަރިޔަމް ޒުބެއިރު ރައީސްގެ ދަރިކަލުންނާ ގުޅޭގޮތުން ދައްކާފައިވާ ވާހަކަތަކެއް ކުށްވެރިކޯށް އެކަމާ ގުޅިގެން މަރިޔަމް ޒުބައިރު ހިމެނޭހެން 3 ފަރާތަކަށް ދަޢުވާކުރަން ރައީސުލްޖުމްހޫރިއްޔާގެ އާއިލާއިން ނިންމާފައިވާ ދަނޑިވަޅެއްގައި އަދި މި މައްސަލައާ ގުޅޭގޮތުން ބައެއް އިދާރާތަކުން ފުލުހުންނަށް ހުށަހަޅާފައިވާ މައްސަލަތަކެއްގައި މަރިޔަމް ޒުބައިރާއި އަދި އެނޫންވެސް ބައެއް ފަރާތްތައް ފުލުހަށް ހާޒިރުކުރަން ފަށާފައިވަނިކޮށެވެ.

އެމްޑީޕީގެ މުޒާހަރާގެ ތެރެއިން ކުޑަކުއްޖެއްގެ ކަރާމާތް ގެއްލޭހެން ވާހަކަދެއްކި މައްސަލަ ސަރުކާރުގެ ވަޒީރުންނާއި މިނިވަން މުވައްސަސާތަކުންނާއި، އާއްމުންގެ ތެރެއިންވެސް ގިނަ ބަޔަކުވަނީ ކުށްވެރިކޮށް އެކަމުގައި ފިޔަވަޅު އެޅުމަށް ކަމާއި ގުޅުންހުރި އިދާރާތަކަށް ގޮވާލައްވާފައެވެ.