މުދާ އުފުލާ ބޯޓުގައި ހިނގި އަލިފާނުގެ ހާދިސާގައި އެކަކު ގެއްލިގެން ހޯދަމުން އަންނަކަމަށް އެމްއެންޑީއެފުން ވިދާޅުވެއްޖެއެވެ.
ހޮޅުދޫ ބޯޓު ނަމަކަށް ކިޔާ މުދާ އުފުލާ ބޯޓުގައި އަލިފާން ރޯވެ އެއްކޮށް ވަނީ އަނދާ ހުލިވެފައެވެ. އެމްއެންޑީއެގުން ވިދާޅުވީ އެ ބޯޓުން ދަތުރު ކުރަމުން ދިޔައީ ކެޕްޓަނާއެކު 18 މީހުންކަމަށެވެ. އޭގެތެެރެއިން އެކަު ފިޔަވައި އެންމެން ސަލާމަތްކޮށްފައިވާކަމށް އެމްއެންޑީއެފުން ވިދާޅުވިއެވެ. އަދި މިހާތަނަށް ނުފެނިވަނީ ލ.މާވަށަށް ނިސްބަތްވާ 25 އަހަރުގެ ޢަލީ މުޝްފިގް މުހައްމަދުކަމަށްވެސް އެމްއެންޑީއެފުން ވިދާޅުވިއެވެ.
އެމްއެންޑީއެފާއި ފުލުހުން އަންނަނީ އަލިފާން ރޯވި ބޯޓު ސަރަހައްދުގައި ހަރަކާތްތެރިވަމުންނެވެ.
ޕީއެސްއެމް ނިއުސްއަށް މައުލޫމާތު ދެއްވަމުން ލ. މާވަށު ކައުންސިލްގެ ރައީސް އަޙްމަދު މޫސާ ވިދާޅުވީ، އެބޯޓަކީ ތ. ހިރިލަންދޫން މާލެއަށް ދަތުރުކުރަމުން ދިޔަ ބޯޓެއްކަމަށެވެ. އެއީ މާވަށަށްވެސް ދަތުރުކުރާ ބޯޓެއްކަމަށާއި، އެބޯޓުން މާވަށް އަލި ހިރިލަންދޫ މީހުންވެސް ދަތުރުކުރާކަމަށް ކައުންސިލްގެ ރައީސް ވިދާޅުވިއެވެ.
ހޮޅުދޫ ބޯޓުގައި އަލިފާން ރޯވަން ދިމާވި ސަބަބު އަދި ސާފެއް ނުވެއެވެ.