ޔުއެފާ ޗެމްޕިއަންސް ލީގުގެ ގްރޫޕް ފިޔަވަހީގައި ލިވަޕޫލް ލައްވާލީ އުނދަގޫ ޓީމުތަކަކާ ދެކޮޅަށް ކަމަށް ކޯޗު އާނޭ ސްލޮޓް ބުނެފިއެވެ.
ގްރޫޕް ސްޓޭޖުގައި ކުޅެން ޖެހޭ އަށް މެޗުތެ ތެރެއިން ލިވަޕޫލަށް ފުރަތަމަ ތިން މެޗު ވާނީ އެންމް އުނދަގޫ ތިން މެޗަށެވެ. އެއީ ސްޕޭނުގެ ރެއާލް މެޑްރިޑާއި އިޓަލީގެ އިންޓަމިލާން އަދި ސްޕޭނުގެ އެތްލެޓިކޯ މެޑްރިޑާ ދެކޮޅަށް ކުޅެންޖެހޭ މެޗުތަކެވެ. އޭގެ ފަހުން ވާދަ ކުރާނީ ޖަރުމަނުގެ ފްރޭންކްފަޓާއި ނެދަލޭންޑްސްގެ ޕީއެސްވީ އެއިންދޯވަން އާއި ފްރާންސްގެ މާސޭ އާއި ގަރަބާގް އަދި ތުރުކީގެ ގަލަޓަސަރާއީއާ އެވެ.
މި މެޗުތަކާ ބެހޭ ގޮތުން ކޯޗު އިނގިރޭސި ޗެމްޕިއަން ޓީމުފެ ކޯޗު އާނޭ ސްލޮޓް ބުނީ މިއީ ވަރަށް ވަރުގަދަ ގްރޫޕެއް ކަމަށެވެ.
"މިއީ ފަސޭހަކޮށް އޮތް މަގެއްނޫން. އަހަރުމެން ކުޅެން މި ޖެހެނީ ވަރަށް ވަރުގަދަ މެޗުތަކެއް. އަހަރެންނަށް ވިސްނެނީ ކުރީ މުބާރާތަށްވުރެ ވެސް ވަރުގަދަ ވާނެ ކަމަށް. އަހަރެން އުއްމީދު ކުރަނީ މިހެން. މި މުބާރާތުގައި މި ފަދަ ގޮތްތަކެއް މެދުވެރިވާނެކަން ވެސް އެނގެންވާނެ،" ކޯޗު ބުންޏެވެ.
އޭނާ ބުނީ ލިވަޕޫލްގެ އަމިއްލަ ދަނޑުގައި މުބާރާތުގެ އެންމެ ކާމިޔާބު ޓީމު ރެއާލް މެޑްރިޑާ ވާދަ ކުރަން ޖެހުމަކީ ވަރަށް މުހިންމު އަދި ފާހަގަ ކޮށްލެވޭނެ މެޗަކަށްވާނެ ކަމަށެވެ. މި ދެ ޓީމަކީ މުބާރާތުގެ އެންމެ ކާމިޔާބު ތިން ޓީމުގެ ތެރެއިން ދެ ޓީމެވެ. އަދި މިދިޔަ ފަސް އަހަރު ތެރޭގައި ރެއާލް އާއި ލިވަޕޫލް ވަނީ މުބާރާތުގެ ފައިނަލްގައި ދެ ފަހަރު ވާދަކޮށްފަ އެވެ.
"ލިވަޕޫލްގެ އަބަދުވެސް ވިސްނުމަކީ މިފަދަ ގަދަ މެޗުތަކުގައި ސަޕޯޓަރުންނަށް އުފާވެރި ނަތީޖާތަކެއް ހޯދައިނުން. އަހަރުމެން މި މެޗުތަކަށް ނަގާނީ ވަރަށް ސީރިއަސްކޮށް. އަހަރުމެން އެއްވެސް މެޗެއް ފަސޭހަކޮށްނުލާނަން. ޗެމްޕިއަންސް ލީގުގައި އެއްވެސް މެޗެއް ފަސޭހަކޮށް ނުލެވޭނެ،" ކޯޗު ބުންޏެވެ.
ގްރޫޕް ސްޓޭޖުގެ އަށް މެޗުގެ ތެރެއިން ލިވަޕޫލްގެ ދަނޑުގައި ކުޅެން ޖެހެނީ ރެއާލް މެޑްރިޑާއި އެތްލެޓިކޯ މެޑްރިޑް އަދި ޕީއެސްވީ އާއި ގަރަބާގް މެޗެވެ.