ވީއައިއޭ ތަރައްޤީކުރުމުގެ މަޝްރޫއު: ބީޔޫސީޖީގެ މަސައްކަތުން 10 މިލިޔަން ޑޮލަރު ސަލާމަތްކޮށްދިން!

ރާއްޖޭގައި އިޤްތިޞާދީ ގޮތުން މިހާތަނަށް ހިންގި އަދި މިހާރުވެސް ހިނގަމުންދާ އެއް މަޝްރޫޢު އަކީ ރާއްޖޭގެ މައި ދޮރާށި ކަމުގައިވާ ވެލާނާ އިންޓަނޭޝަނަލް އެއަރޕޯޓު ތަރައްޤީކުރުމުގެ މަޝްރޫޢުއެވެ.

މިމަޝްރޫޢު ހިންގައި ކަމިޔާބީއަށް ވާސިލްވުމުގެ އެންމެ ބޮޑު ހިއްސާދާރަކީ ޗައިނާގެ ކުންފުންޏެއް ކަމަށްވާ ބެއިޖިން އާބަން ކޮންސްޓްރަކްޝަން ގްރޫޕް، ބީޔޫސީޖީއެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް އެމްއޭސީއެލްއާއި، ބީޔޫސީޖީ ފުރަތަމަ ގުޅެނީ 15 ސެޕްޓެމްބަރ 2014ވަނަ އަހަރުއެވެ. އެއީ އެއަރޕޯޓު މަސައްކަތް ފެށުމަށް ސޮއިކުރި ދުވަހެވެ. ޗައިނާގެ ބެލްޓް އެންޑް ރޯޑް އިނީޝިއޭޓިވްގެ ދަށުން ފެށުނު އެމަސައްކަތްވީ ދެ ޤައުމުގެ ގުޅުމުގެވެސް އައު ހަރުފަތަކަށެވެ.

އެކުންފުނިން މިމަސައްކަތާއި ހަވާލުވީ އެއަރޕޯޓުގެ އޮޕަރޭޝަންތައް ހުއްޓުމަކަށް ނައިސް މަސައްކަތް ކުރެވޭނެ އިންޖިނިއަރިންގ، ޕްރޮކިއުމެންޓް އަދި ކޮންސްޓްރަކްޝަން މޮޑެލަށެވެ. އައު ކޯޑް އެފް ރަންވޭއަކާއި، 2 ލައްކަ އަކަ މީޓަރުގެ ރަންވޭއެއްގެ އޭޕްރޮންގެ އިތުރުން، އެންމެ ޒަމާނީ ލައިިޓިން ނިޒާމާއި، ފިއުލް ފާމް އަފި ކާގޯ ޓާމިނަލް މިމަޝްރޫޢުގައި ހިމެނެއެވެ. މީގެ އިތުރަށް ވީއަޕީ ޓާމިނަލާއި، ސީޕްލޭން ޓާމިނަލް އަދި ފަޔަރ ސްޓޭޝަން ހިމެނޭހެން އެއަރޕޯޓާއި ގުޅުންހުރި އެތަކެއް ޒަމާނީ ޚިދުމަތެކެއް މަޝްރޫޢުގެ ސްކޯޕުގައި ހިމެނުނެވެ. މިމަސައްކަތްތްތައް ވޭތުވެ ދިޔަ 11 ވަރަކަށް އަހަރުގެ ތެރޭގައި އެކުންފުނިން ކޮށްފައިވަނީ އިތުބާރާއި ޔަޤީން ކަމާއެކު ކޮލިޓީއަށް އިސްކަން ދީގެންނެވެ.

ބެއިޖިންގ އަރބަން ކޮންސްޓަރަކްޝަން ގްރޫޕުން މިމަސައްކަތް ކުރީ، އެންމެ ޒަމާނީ ވަސީލަތްތަކާއި ހުނަރުވެރި އިންޖިނިއަރުންނާ އެކުގައެވެ. އެހެން ކަމުން މުޅި މަޝްރޫޢުވެސް ހަރުދަނާވެ ޚަރަދުވެސް ކުޑަކުރެވުނެވެ. މިކަމުގެ އެއް މިސާލަކީ ރަންވޭ އަރިކޮށްލުމުން އެންމެ ފުނަށް ޝީޓްޕައިލް ކުރަން ޖެހޭ ސަރަހައްދު 1100 މީޓަރުން ކުޑަވުމެވެ. މީގެ އިތުރުން ޕޭވްމެންޓް ފަށަލަ 45 ސެންޓި މީޓަރުން 33 ސެންޓި މީޓަރަށް އެތަކެއް ހިސާބުތަކެއް ޖެހުމަށް ފަހު ކުޑަ ކުރުމުން 7500 ކިއުބިކް މީޓަރުގެ ކޮންކްރީޓް ސަލާމަތް ކުރެވުނެވެ. މީގެ އިތުރުންވެސް ކުރީގެ އުތުރުގެ އައަރ ފީލްޑް ގްރައުންޑް ސަބްސްޓޭޝަނާއި އައުތަން އެއްކުރުމުން އިމާރާތް ކުރަން ޖެހޭ ބައި 900އަކަ މީޓަރު ކުޑަވިއެވެ.

ބީޔޫސީޖީން ބުނީ، އެކުންފުނީގެ އަމާޒަކީ ފައިދާއަށް ވުރެ ބޮޑަށް މަސައްކަތް ހަވާލުކުރި ފަރާތުގެ ބޭނުންތަކަށް އަބަދުވެސް އިސްކަން ދިނުމަށްކަމަށެވެ. އެހެން ކަމުން ހުރިހާ ބަދަލަކާއެކު މުޅި މަޝްރޫޢުއިން 10 މިލިޔަން ޑޮލަރު އެކުންފުނިން އެމްއޭސީއެލްއަށް ސަލާމަތް ކޮށްދިނެވެ.

ކޯވިޑުގެ ދުވަސްވަރު ރާއްޖޭގެ ހިންގަމުން ދިޔަ ބިޔަ ބޮޑު މަޝްރޫޢުތައް ހުއްޓިގެން ދިޔައެވެ. ނަމަވެސް ވޭލާނާ އެއަރޕޯޓުގެ މަޝްރޫޢު އެއްކޮށް ހުއްޓުމަކަށް ނާދެއެވެ. އެއަރޕޯޓުގެ މަޝްރޫޢުގެ މަސައްކަތަށް ޗައިނާގެ މުވައްޒަފުންގެ ދެބައިކުޅަ އެއްބައި އަމިއްލަ އިޙްތިޔާރުގައި އަނބުރާއައެވެ. އެ ދުވަސްވަރުގެ މަޝްރޫޢުގައި މަސައްކަތް ކުރި 60 އިންސައްތަ މުވައްޒަފުން އެއްވެސް ޗުއްޓީއަކާއި ނުލާ 20 މަސްދުވަހާއި 30 މަސް ދުވަސް ވަންދެން މަސައްކަތް ކުރިއެވެ.

މީގެ ސަބަބުން އެއަރޕޯޓުގެ ޓާމިނަލްތަކާއި ރަންވޭ، ފަޔަރ ސްޓޭޝަން ފަދަ ވަސީލަތްތައް ކަނޑައެޅިފައިވާ މުއްދަތަަށް ނިންމާލެވުނެވެ. މިއީ އެކުންފުނިން ދެކޭ ގޮތުގައި ޗައިނާގެ ސަރުކާރު ހިއްސާވާ ކުންފުންޏެއްގެ ވިލުންތެރިކަން ދައްކުވައިދޭކަމެކެވެ.

މިއާއެކު ބީޔޫސީޖީ ބަލައިގަނެފައިވަނީ، އެމްއޭސީއެލް އެމެޖެންސީ ރެސްޕޮންސް ޑިޕާޓްމެންޓުގެ ގޮތުގައެވެ. މިދިޔަ އަހަރު ރޭގަނޑު ވަގުތު މުޅި އެއަރޕޯޓުން ކަރަންޓު ކެނޑުމުން 30 މިނެޓު ތެރޭ 200 މުވައްޒަފުން އެކުންފުނިން މަސައްކަތަށް ނެރުނެވެ. މިއީ އެމްއޭސީއެލްއާއި ބީޔޫސީޖީ ދެމެދު އުފެދިފައިވާ ގުޅުމުގެ އެންމެ ރިވެތި މިސާލެވެ.

މިއަދާ ހަމަައަށްވެސް 2014ވަނަ އަހަރު ފެށުނު ގުޅުން މެދުނުކެނޑި ދަނީ ދެފަރާތް ދެމެދު އޮތް އިތުބާރެއްގެ ބޮޑު ކަމުންނެވެ. އެކުންފުނީގެ މަސައްކަތުން ޖުމްލަ 5 ލައްކަ 20 ހާސް އަކަ މީޓަރު އެއަރ ފީލްޑް ޕޭވްމެންޓާއި ޒަމާނީ އެތައް ވަސީލަތެއް އެއަރޕޯޓަށް ފޯރުކޮށްދީފިއެވެ. މިއަދު އެއަރޕޯޓުން ދިވެހި އިޤްތިޞާދަށް ކުރާ ފައިދާ މިކަމުން ދޭހަވެއެވެ. އޭގެ އެންމެ އަލިގަދަ އެއް ހެއްކެއް ގޮތުން 43،000 ފްލައިޓް މޫވްމެންޓުން 92،000 މޫވްމެންޓަށް ބަދަލުވެފައިވުން ހިމެނެއެވެ. މިއާއެކު ބީޔޫސީޖީން އެކުންފިނިން ދެކެނީ މި ގުޅުން އިތުރަށް ކުރިމަގުގައި ބަދަހިވާނެ ކަމަށެވެ.