އަހަރުގެ ފުރަތަމަ ކްރޫޒް ޝިޕުގައި ރާއްޖެއަށް 970 މީހުން

ހާހަކާއި ގާތްކުރާ އަދަދެއްގެ މީހުންނާއެކު އަހަރުގެ ފުރަތަމަ ކްރޫޒް ޝިޕް ރާއްޖެ އައިސްފިއެވެ.

މިއަހަރުގެ ފުރަތަމަ ކްރޫޒް ޝިޕް، އެމްއެސްކްރިސްޓަލް ސިފަނީ ރާއްޖެ އައިސްފައިވަނީ ހޯމަ ދުވަހުއެވެ. މި ކްރޫޒް ޝިޕްގައި 479 ފަތުރުވެރިންނާއި، 491 ފަޅުވެރިން އައިސްފައިވެއެވެ. މިއާއެކު މި ކްރޫޒް ޝިޕުން ރާއްޖެ އައި މީހުންގެ ޖުމްލަ އަދަދު 970 އަރައެވެ. މިއަހަރު ރާއްޖެއިން މަރުޙަބާކީ ފުރަތަމަ ކްރޫޒް ޝިޕް އައިސްފައިމިވަނީ ސީޝެލްސްއިންނެވެ.

The Seaport Division officers successfully provided en-route immigration clearance services for 479 passengers and 491 crew members aboard MS Crystal Symphony, which arrived in the Maldives on 12th January 2026 from Mahé, Seychelles. The vessel marks the first cruise ship arrival… pic.twitter.com/CV6fffOLPd

— Maldives Immigration (@ImmigrationMV) January 14, 2026

މި ކްރޫޒް ޝިޕުން އައި ފަރާތްތަކަށް މޯލްޑިވްސް އިމިގްރޭޝަނުން ވަނީ ކްލިއަރެންސް ދީފައެވެ.

ފަތުރުވެރިކަމުގެ ޕީކް ސީޒަނާއާ ދިމާކޮށް ރާއްޖެއަށް، ކްރޫޒް ޝިޕްތަކާއި އެނޫންވެސް ގޮތްގޮތުން އަންނަ ފަތުރުވެރިން އިތުރުވެއެވެ. އެގޮތުން މިއަހަރުވެސް ގިނަ އަދަދެއްގެ ފަތުރުވެރިން އަންނައިރު، އަހަރުގެ މިހާތަނަށް 93،000 އަށް ވުރެ ގިނަ ފަތުރުވެރިން ވަނީ އައިސްފައެވެ.