މާލޭ ވިޔަފާރި ބަނދަރުގެ މަގަތު ފާލަން ބޮޑުކުރުމުގެ ޕްރޮޖެކްޓްގެ ޑީޓެއިލް ޑިޒައިން ތައްޔާރުކޮށް، އީ.އައި.އޭ ހެދުމަށް އެމްޕީއެލްއިން ތައްޔާރުވެއްޖެއެވެ.
އެ ކުންފުނީގެ ސީ.އީ.އޯ މުޙައްމަދު ޖުނައިދު ވިދާޅުވީ ބަނދަރުގެ ހުޅަނގު ފަޅީގެ ޖެޓީ ބޮޑުކުރަން މިހާރު އޮތްތަން ހިއްކަން ޕްލޭންކޮށްފައިވާކަމަށެވެ. އަދި އެކަމާ ބެހޭ ގޮތުން އިކޮނޮމިކް އެންޑް ޔޫތު ކައުންސިލުން އިތުރަށްކުރަންޖެހޭ ދިރާސާތައް ކުރުމާއި، ޑީޓެއިލް ޑްރޯވިންގ އެއް ހެދުމަށް ހުށަހަޅާފައިވާނެކަމަށެވެ. އެގޮތުން މިހާރު އެކުންފުނިން ކުރަމުންދާ މަސައްކަތުގެ ތެރޭގައި އެ ޕްރޮޖެކްޓުގެ ޑީޓެއިލް ޑިޒައިންއާއި އީ.އައިއޭގެ އިތުރުން ބީ.އޯ.ކިއުއާއި ބިޑް ޑޮކިޔުމަންޓް ތައްޔާރުކޮށްދޭނެ ފަރާތެއްވެސް ދަނީ ހޯދުމަށެވެ.
ވިޔަފާރި ބަނދަރުގެ އެބައި ބޮޑުކުރުމުން ކުރިއަށް އޮތް 20 އަހަރުވެސް ބަނދަރުގެ ދަތިކަމެއް ނާންނާނެކަމަށް އެމް.ޕީ.އެލްގެ ސީ.އީ.އޯ ވަނީ ވިދާޅުވެފައެވެ. މާލޭ ވިޔަފާރި ބަނދަރުން ދުވާލަކު ދުއިސައްތަ ފަންސާސް ކޮންޓެއިނަރ ދޫކުރަންޖެހޭކަމަށް އެކުންފުނިން ބުނެއެވެ.