އެފްރިކާ ކަޕް ކޮލިފައިންފައި މާދަމާ ސޫދާނާއެކު ކުޅެން އޮތް މެޗަށް ކެޕްޓަން މުހައްމަދު ސަލާހް ނުދިޔައީ އެ މެޗު ޓާފް ދަނޑެއްގައި ކުޅެން ޖެހުމުން ކަމަށް މިސުރުން ބުނެފި އެވެ.
އެފްރިކާ ކަޕުގެ އެންމެ ކާމިޔާބު ގައުމުން ބުނީ މެޗު ކުޅެން ޖެހެނީ ޓާފް ދަނޑެއްގައި ކަމަށްވާތީވެ އެކަމުގެ އުނދަގޫކަން ސަލާހް މާކުރިން ވެސް ފާހަގަ ކުރި ކަމަށެވެ.
"މިކަމާ ގުޅޭ ގޮތުން ގައުމީ ޓީމުގެ ޓެކްނިކަލް ޓީމުން ކޯޗު ހޮސާމް ހަސަން ވެސް ހިމެނޭހެން މަޝްވަރާ ކުރި. އަދި ނިންމީ އެންމެ ރަނގަޅު ގޮތަކީ މި މެޗުގައި ސަލާހް ނުކުޅުން ކަމަށް. އޭނާ ޓީމާއެކު މެޗަށް ނުދިޔައީ އެހެންވެ. އެކަމަކު ގައުމީ ޓީމުގެ ކުރިއަށްހުރި މެޗުތަކުގައި ފެނިގެންދާނެ،" މިސުރުން ނެރުނު ބަޔާނުގައިވެ އެވެ.
ލިވަޕޫލަށް އަހަރުތަކެއް ވަންދެން ކުޅުމަށް ފަހު ސަލާހް މިހާރު ކުޅެމުން ދަނީ ތުރުކީ ލީގުގަ އެވެ. އޭނާ އަކީ މިސުރުގެ އެންމެ މުހިންމު ކުޅުންތެރިޔާ އެވެ.
ސުދާން މެޗު ނުކުޅެން ނިންމި ވަކި ސަބަބެއް ސަލާހް ވެސް އަދި މިސުރުން ވެސް ނުބުނެ އެވެ. ނަމަވެސް އޭނާ ވަނީ އިއްޔެ އެލްގޯލާއެކު މިސުރު ކުޅުނު މެޗުގައި 61 މިނިޓް ވަންދެން ކުޅެފަ އެވެ. މި މެޗު ނިމުނީ ލަނޑެއް ނުޖެހި އެއްވަރު ވެގެންނެވެ.
އެފްރިކާ ކަޕް ކޮލިފައިންގެ ގްރޫޕް ބީގައި މިސުރު މިވަގުތު އޮތީ ތިން ވަނާގަ އެވެ. އެއީ އެއް މެޗުން އެއް ޕޮއިންޓާއެކުގަ އެވެ. ސޫދާނަށް މިހާތަނަށް ޕޮއިންޓެއް ނުލިބެ އެވެ. އެއްވަނާގައިވަނީ ތިން ޕޮއިންޓާއެކު މަލާވީ އެވެ. ދެ ވަނާގައިވާ އެންގޯލާ އާއި މިސުރަށް ވެސް ލިބިފައިވަނީ އެއް ޕޮއިންޓެވެ.