ހަތް ރަށެއްގެ އައުޓްޑޯ ޖިމްގެ މަސައްކަތް އެޗްޑީސީން ނިންމާލައިފި

ހަތް ރަށެއްގެ އައުޓްޑޯ ޖިމްގެ މަސައްކަތް ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީން ނިންމާލައިފިއެވެ.

އެޗްޑީސީން މިކަންހާމަކޮށް ނެރުނު ނޫސްބަޔާނުގައި ވިދާޅުވެފައިވަނީ އެކުންފުންޏާ ހަވާލުކޮށްފައިވާ އިތުރު އައުޓްޑޯ ޖިމްތަކުގެ މަސައްކަތްވެސް ދީފައިވާ ތާރީޚަށް ނިންމުމަށް މަސައްކަތް ކުރަމުން އަންނަކަމަށެވެ. މީގެ އިތުރުން މިއައުޓްޑޯ ޖިމްތަކަކީ ޒަމާނީ ވަސީލަތްތަކާއެކު ޤާއިމްކޮށްފައިވާ ޖިމްތަކެއްކަމަށް އެޗްޑީސީން ވިދާޅުވެއެވެ.

ސީއެސްއާރްގެ ދަށުން، އެޗްޑީސީން އައުޓްޑޯ ޖިމްގެ މަސައްކަތް ނިންމާފައިވާ ރަށްރަށުގެ ތެރޭގައި ހިމެނެނީ އއ. ފެރިދޫ، އއ. އުކުޅަސް، އދ. ދިގުރަށް، އދ. ފެންފުށި، އދ. މާމިނގިލި، އަދި. މަންދޫ އާއި ބ. ގޮއިދޫއެވެ.

ރާއްޖޭގެ އާބާދީއަކީ ހަށިހެޔޮ އާބާދީއަކަށް ހެދުމަށްޓަކައި ސަރުކާރުން ހިފާފައިވާ އަމާޒާއެކު، ރާއްޖޭގެ ހުރިހާ ސަރަހައްދެއްގައި އައުޓްޑޯ ޖިމްތަކާއި ފިޓްނެސް ސެންޓަރުތައް ޤާއިމުކުރަމުންދާއިރު، މިމަސައްކަތް ސަރުކާރުންވަނީ ސަރުކާރުގެ ކުންފުނިތަކުގެ އިތުރުން ޕްރައިވެޓް ކުންފުނިތަކާ ހަވާލުކޮށްފައެވެ.