ބޭޒްވޯޓާ ޓެނިސް: ސިންގަލްސް ޗެމްޕިއަންކަންވެސް ކިޔާރާއަށް

ބޭޒްވޯޓާ މޯލްޑިވްސް ޓެނިސް ޗެމްޕިއަންޝިޕްގެ އަންހެން އޯޕަން ސިންގަލްސް ޗެމްޕިއަންކަން ކިޔާރާ އުސާމާ އަލީ ހޯދައިފިއެވެ.

ސިންގަލްސް ޗެމްޕިއަންކަން ކިޔާރާ ހޯދީ ފައިނަލުގައި އާއިޝަތު ކަރިން ސައިޒާން ދެ ސެޓު އެއް ސެޓުން ބަލިކޮށްގެންނެވެ.

މާލޭ ޓެނިސް ކޯޓުގައި ހޮނިހިރުދުވަހު ކުޅުނު ފޯރިގަދަ މިމެޗުގެ ސެޓުތަކަށް ބަލާއިރު، ފުރަތަމަ ސެޓު 06-03އިން ކާމިޔާބުކުރީ ކަރިންނެވެ. އެހެންނަމަވެސް ފަހު ދެ ސެޓު 06-04 އަދި 04-01 އިން ކާމިޔާބުކޮށް މުބާރާތުގެ ޗެމްޕިއަންކަން ހޯދީ ކިޔާރާއެވެ.

މިމުބާރާތުގެ ޖޫނިއާ އޯޕަން ސިންގަލްސްގެ އަންހެން ޗެމްޕިއަންކަންވެސް ކިޔާރާ ހޯދާފައިވަނީ ފައިނަލުގައި ކަރިންގެ މައްޗަށް ކުރި ހޯދައިގެންނެވެ. އެ މެޗު ކިޔާރާ ކާމިޔާބުކުރީ ސީދާ ދެ ސެޓުންނެވެ. އެމެޗުގެ ސެޓުތައް ކިޔާރާ ގެންދިޔައީ ފަސޭހަކަމާއެކު، 06-02 އަދި 06-01 އިންނެވެ.

ބޭޒްވޯޓާ މޯލްޑިވްސް ޓެނިސް ޗެމްޕިއަންޝިޕްގެ ފަހު ފައިނަލް އޮންނާނީ އާދިއްތަ ދުވަހުއެވެ. ހަވީރަށް ތާވަލުކޮށްފައިވާ ފިރިހެނުންގެ އޯޕަން ސިންގަލްސް މެޗުގައި ވާދަކުރާނީ ޢަބްދުﷲ ފާއިހް ފަޒީލްއާއި ލޫޠު އަޤްލީމް އަހްމަދުއެވެ.

މުޅިން އަލަށް ކުރިއަށްގެންދާ ބޭޒްވޯޓާ މޯލްޑިވްސް ޓެނިސް ޗެމްޕިއަންޝިޕްގައި 11 ކެޓަގަރީއަކުން 110 ކުޅުންތެރިންވަނީ ވާދަކޮށްފައެވެ.