ސިޓީ ހޮޓާ ހިންގުމަށް އައްޑޫ ސިޓީގެ ދޫގަސް އެމްޕީއެލްއާ ޙަވާލުކުރެއްވުމުގެ މަސައްކަތް ކުރައްވަމުން ގެންދަވާ ކަމަށް ޓޫރިޒަމް މިނިސްޓަރ މޫސާ ޒަމީރު ވިދާޅުވެއްޖެއެވެ.
ޕީ.އެސް.އެމް ނިޔުސްއިން ދެންނެވި ސުވާލަކަށް ޖަވާބުދެއްވަމުން މިނިސްޓަރ ޒަމީރު ވިދާޅުވީ ދޫގަސް މިހާރު ހުރި ހާލަތުން އެ ސިޓީގެ ރައްޔިތުންނަށް ފައިދާނުވާކަމަށާއި އެތަން ހަލާކުވަމުންދާތީ، އެޓަރނީ ޖެނެރަލްގެ ލަފާފުޅު ހޯއްދަވައި، އެތަން އެމް.ޕީ.އެލްއާ ޙަވާލުކުރެއްވުމުގެ މަސައްކަތް ކުރައްވަމުން ގެންދަވާކަމަށެވެ. މިގޮތުން މިވަގުތު އެތަން އެމް.ޕީ.އެލްއާ ޙަވާލުކުރައްވައިގެން އެތަން ބެލެހެއްޓޭނެ ގޮތަށް ރާއްވަވަމުން ގެންދަވަކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ގަމުގައި އިންޓަރނޭޝަނަލް އެއަރޕޯޓެއްވެސް އޮތުމާއެކު އައްޑޫ ސިޓީގެ ރައްޔިތުންނަށް ވަޒީފާގެ ފުރުޞަތުތައް ހޯއްދަވައިދެއްވުމަށްޓަކައި ދޫގަސް ހޮޓެލް ހިންގުމަކީ ކޮންމެހެންވެސް ކުރަންޖެހޭ ކަމެއްކަމަށެވެ.