ޢިމާރަތްކުރުމުގެ ސިނާޢަތަށް ކުރިމަތިވެފައިވާ މައްސަލަތަކާ ގުޅޭގޮތުން މަޝްވަރާކުރުމަށް ސެމިނަރއެއް ބޭއްވުމަށް މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ, މަސީން ނިންމައިފިއެވެ.
މަސީން ބުނީ އަންނަ ބުދަ ދުވަހު ހޮޓެލް ޖެންގައި ބޭއްވުމަށް ހަމަޖެހިފައިވާ މި ސެމިނަރއަކީ މަސީގެ ކުންފުނިތަކަށް ހުޅުވާލައިގެން ބާއްވާ ސެމިނަރއެއްކަމަށެވެ.
"ކޮންސްޓްރަކްޝަން އިންޑަސްޓްރީ ޗެލެންޖެސް އެންޑް ޕޮސިބަލް ސޮލިއުޝަންސް" ގެ ނަމުގައި ބާއްވާ މި ސެމިނަރގެ ފެސިލިޓޭޓަރުންގެ ގޮތުގައި ކަރުދާސް ހުށަހަޅައި މަޝްވަރާތަކުގައި އިސްކޮށް ބައިވެރިވެވަޑައިގަންނަވާނީ ސަރުކާރުގެ ކަމާއިބެހޭ އެކިއެކި މުއައްސަސާތަކުގެ ފަންނީ މާހިރުން ކަމަށް މަސީއިން ބުނެއެވެ. އަދި މި ސެމިނަރ ހުޅުވުމުގެ ރަސްމިއްޔާތުގައި މަސީން ބައެއް ފަރާތްތަކާއެކު ކޯޕަރޭޓު އެމްއޯޔޫތަކެއްގައި ސޮއިކުރުމަށް ހަމަޖެހިފައިވާ ކަމަށްވެސް މަސީން ބުނެއެވެ.