ފަތުރުވެރިންގެ މެދުގައި މަޤްބޫލުކަން ހޯދާފައިވާ ހޮޓެލް ބުކިންގް ވެބްސައިޓް، ބުކިންގްސް ޑޮޑް ކޮމްގެ "ގެސްޓު ރިވިއު އެވޯޑު" ސަން ސިޔާމް ރިސޯޓްސްއަށް ލިބިއްޖެއެވެ.
މިއީ ސަން ސިޔާމް ރިސޯޓްސްގައި ހިމެނޭ، ސަން ސިޔާމް އިރުފުށި، ސަން އަކުއަރ ވިލު ރީފް، އޮޅުވެލި ބީޗު، ސްޕާ މޯލްޑިވްސް އަދި އެކުންފުނިން ސްރީލަންކާގައި ހިންގާ ސަން އަކުއަރ ޕަސިކުޑަރއަށް ގެސްޓުން ދީފައިވާ ރިވިއުގެ މައްޗަށް ބިނާކޮށް ދީފައިވާ އެވޯޑެކެވެ.
މީގެތެރެއިން އެންމެ މަތީ ރޭޓިންގއެއް ލިބުނީ ސަން ސިޔާމް އިރުފުށްޓަށެވެ. އެ ރިސޯޓަށް 8.8 ގެ ރޭޓިންގއެއް ލިބިފައިވެއެވެ. ސަން އަކުއަރ ވިލުރީފު އަދި ސަން އަކުއަރ ޕަސިކުޑާއަށް ލިބިފައިވަނީ 8.5 އިންސައްތައިގެ ރޭޓިންގއެކެވެ. އަދި އޮޅުވެލި ބީޗް އެންޑު ސްޕާ މޯލްޑިވްސަށް ލިބިފައިވަނީ 8.1 ގެ ރޭޓިންގއެކެވެ.
މި އެވޯޑުން ދައްކައިދެނީ ސަން ސިޔާމް ރިސޯޓުސްގައި މަސައްކަތްކުރާ ސްޓާފުން ދެމުން އަންނަ ޚިދުމަތް ފަތުރުވެރިންނަށް ކަމުދިޔަ މިންވަރުކަމަށް ބުކިންގްސް ޑޮޑް ކޮމްއިން ހާމަކުރެއެވެ.