މޫދަށް ޖައްސާ އިތުރު ބޯޓެއް ޓީއެމްއޭއިން ރާއްޖެ ގެނެސްފިއެވެ. މިބޯޓާއެކު ޓީއެމްއޭގެ ސީޕްލޭން ފްލީޓުގެ ޢަދަދު ވަނީ 47 އަށް އަރާފައެވެ. ޓީއެމްއޭއިން އަލަށް ގެނައި ބޯޓު ރާއްޖެ އައިސްފައިވަނީ އިއްޔެ ހަވީރުގެ ވަގުތެއްގައެވެ. މި ބޯޓު ރާއްޖެ އައީ ކެނެޑާއިން ފުރައިގެންނެވެ.
ޓީއެމްއޭއަކީ ދުނިޔޭގެ އެންމެ ބޮޑު ސީ ޕްލޭން އޮޕަރޭޓަރއެވެ. އެކުންފުނިން އަންނަނީ ސީޕްލޭންގެ ޚިދުމަތް ފުޅާކޮށް، އިތުރަށް ކުރިއެރުވުމަށްޓަކައި ގިނަ މަސައްކަތްތަކެއް ކުރަމުންނެވެ.
img:http://s1.psmnews.mv/images/660x400/14913017673752.jpg|ޓީއެމްއޭއިން އަލަށް ގެނައި ބޯޓު / ފޮޓޯ؛ ޓީއެމްއޭ
ރާއްޖޭގައި އިތުރަށް ހުޅުވަމުން އަންނަ ރިސޯޓުތަކާއެކު، ސީޕްލޭންގެ ދަތުރުތަކަށް އޮންނަ ޑިމާންޑު ވަނީ ވަރަށްބޮޑުވެފައި ކަމަށް ޓީއެމްއޭއިން ހާމަކުރެއެވެ. މި ޑިމާންޑާ އެއްވަރަށް ޚިދުމަތް ދިނުމަށްޓަކައި އެކުންފުނިން ވަނީ މިއަހަރުތެރޭ އަދިވެސް އިތުރު ސީ ޕްލޭނެއް ގެނައުމަށް ނިންމާފައެވެ.
ހުސްވި އަހަރުގެ ތެރޭގައި ޓީއެމްއޭއިން ސީ ޕްލޭންގެ ބޯޓްތައް 120،000 އަށްވުރެ ގިނަދަތުރު ރިސޯޓުތަކަށް ކޮށްފައިވެއެވެ. މި ދަތުރުތަކުގައި މިލިއަނަކާއި ގާތްކުރާ ޢަދަދަކަށް ފަސިންޖަރުން އުފުލާފައިވާ ކަމަށް ޓީއެމްއޭއިން ހާމަކުރެއެވެ.