މަޝްހޫރު ޓްރެވަލް މަޖައްލާ، ކޮންޑެ ނާސްޓް ޓްރެވަލަރސްގެ މިއަހަރުގެ 'ހޮޓް ލިސްޓް' ގައި ރާއްޖޭގެ 2 ރިސޯޓެއް ހިމެނިއްޖެއެވެ.
މި ލިސްޓުގައި ހިމަނާފައިވާ ރާއްޖޭގެ ދެ ރިސޯޓަކީ "ފޯ ސީސަން ޕްރައިވެޓު އައިލެންޑު މޯލްޑިވްސް އެޓް ވޯވަތް" އަދި "ސެއިންޓް ރީޖަރސް މޯލްޑިވްސް ވޮށްމުލި ރިސޯޓު"އެވެ.
ކޮންޑެ ނާސްޓް ޓްރެވަލަރސްގެ 'ހޮޓް ލިސްޓަކީ މިދިޔަ އަހަރު އަލަށް ހުޅުވި ރިސޯޓްތަކުގެ ތެރެއިން އެންމެ ކަމުދާ ރިސޯޓްތަކުގެ ގޮތުގައި އެ މަޖައްލާއިން ދެކޭ ރިސޯޓްތަކުގެ މައްޗަށް އެކުލަވާލާފައިވާ ލިސްޓެކެވެ. ކޮންޑެ ކާސްޓުން މި ލިސްޓު އެކުލަވާލާފައިވަނީ އެ މީހުންގެ ޓީމެއް ރިސޯޓްތަކަށް ގޮސް އެތަންތަނުގެ ޙިދުމަތްތައް ތަޖުރިބާ ކުރުމަށް ފަހުއެވެ.
img:http://s4.psmnews.mv/images/660x400/14888934496105.jpg|ވޮށްމުލީގައި ތަރައްޤީކޮށްފައިވާ ސެއިންޓް ރީޖަރސް މޯލްޑިވްސް ވޮށްމުލި ރިސޯޓު / ފޮޓޯ: ވޮށްމުލި ރިސޯޓް
ބ. އަތޮޅު ވޯވަށުގައި ފޯރޒީސަންގެ ފަރާތުން ތަރައްޤީކޮށްފައިވާ ރިސޯޓަކީ އެހެން މީހުންނާއި އެކަހެރިވެގެން، ޗުއްޓީ ހޭދަކުރަން ބޭނުންވާ ފަތުރުވެރިންނަށް އަމާޒުކޮށްގެން ހުޅުވާފައިވާ ރިސޯޓެކެވެ. މި ރިސޯޓުގައި ހަތް ކޮޓަރީގެ ބީޗް ހައުސްއަކާއި، ޑައިވް ސެންޓަރަކާއި ސްޕާ އެއް ހުރެއެވެ.
ދ. އަތޮޅު ވޮށްމުލީގައި ތަރައްޤީކޮށްފައިވާ "ސެއިންޓް ރީޖެރސް މޯލްޑިވްސް ވޮށްމުލި ރިސޯޓުގައި އެންމެ މަތީ ފަންތީގެ 77 ވިލާ އާއި އިންފިނިޓީ ޕޫލަކާއި 6 ކޮޓަރީގެ ސްޕާ އަކާއި ޔޯގާ އަދި ފިޓްނެސް ސެންޓަރަކާއި ޑައިވް ސެންޓަރެއްގެ އިތުރުން ހަތަރު ރެސްޓޯރަންޓް ހުރެއެވެ.