މޫވެންޕިކްގެ ރިސޯޓެއް ރާއްޖޭގައި ހުޅުވަނީ

މޫވެންޕިކް ބްރޭންޑުގެ ރިސޯޓެއް ރާއްޖޭގައި ހުޅުވުމަށް ނިންމައިފިއެވެ.

ނ.އަތޮޅުގެ ކުރެދިވަރުގައި ތަރައްޤީކުރާ، މޫވެންޕިކް ރިސޯޓު އެންޑް ސްޕާ، ކުރެދިވަރު މޯލްޑިވްސް ހުޅުވުމަށް ހަމަޖެހިފައިވަނީ އަންނަ އަހަރުގެ ދެވަނަ ކުއަރޓަރގައެވެ. 33 ބީޗް ވިލާއާއި 72 މޫދު ވިލާއާ އެކު ޖުލްމަ 105 ވިލާ މި ރިސޯޓުގައި ހުންނާނެއެވެ. 

img:http://s1.psmnews.mv/images/660x400/14935585421417.jpg|މޫވެންޕިކުން ރާއްޖޭގައި ތަރައްޤީކުރާ ރިސޯޓުގެ ވޯޓަރ ވިލާތައް ހުންނާނެ ގޮތް / މިރިސޯޓުގައި ޖުމްލަ 105 ވިލާ ހުންނާނެ

މި ރިސޯޓުގައި ފަސް ރެސްޓޯރެންޓް ހުންނާނެއެވެ. އޭގެ ތެރޭގައި ސީ-ފުޑަށް ޚާއްސަ ރެސްޓޯރެންޓަކާއި، ޚާއްސަ ހަފްލާތައް ބޭއްވުމަށް ވަކި ރެސްޓޯރެންޓެއް ހުންނާނެއެވެ. އަދި މީގެ އިތުރުން ސާދަ ޓްރީޓްމަންޓް ރޫމްގެ ވެލްނަސް ސްޕާއަކާއި، އެންމެ ޒަމާނީ ފެންވަރުގެ ޖިމްއަކާއި ވޯޓަރ ސްޕޯޓްސް ސެންޓަރެއްގެ ޚިދުމަތްވެސް މި ރިސޯޓުން ލިބޭނެއެވެ.