މިއަހަރުގެ ފަހުކޮޅު ހުޅުވުމަށް ތައްޔާރުވަމުންދާ، ރޮބިންސަން ކުލަބް ނޫނު، ގެ ވާޒީފަތަކަށް ކުރިމަތިލުމުގެ ފުރުސަތު ހުޅުވާލައިފިއެވެ.
އޭގެ ތެރޭގައި ފްރަންޓު އޮފީސްގެ ވަޒީފާތަކާއި، ހައުސް ކީޕިންގެ އަދި އެފް އެންޑު ބީ ޑިޕާޓްމަންޓުގެ އިތުރުންވެސް އެކި އެކި ޑިޕާޓުމަންޓުގެ ވަޒީފާތައް ހިމެނެއެވެ.
ރޮބިންސަން ކުލަބަކީ ޖަރުމަންވިލާތުގެ ޓުއި ގުރޫޕްގެ ބުރޭންޑެކެވެ. ޓުއި ގުރޫޕްއަކީ ފަތުރުވެރިކަމުގެ ދާއިރާގައި އެންމެ ކުރިއަރާފައިވާ ކުންފުނިތަކުގެ ތެރޭގައި ހިމެނޭ ކުންފުންޏެކެވެ. އެގޮތުން ޓުއި ގުރޫޕްގެ ދަށުން، 7 އެއަރލައިންއާއި، އެއްހާސް ހަސަތޭކަ ޓްރެވަލް އެޖެންޓުންނާއި، ސޯޅަ ކުރޫޒް ލައިންގެ އިތުރުން ތިންސައްތޭކަ ހޮޓެލް އަންނަނީ ހިންގަމުންނެވެ.
ނޫން އަތޮޅު އޮރިވަރުގައި ތަރައްޤީކޮށްފައި ރޮބިންސަން ކުލަބު ނޫން އަކީ ރޮބިންސަން ކުލަބުން ރާއްޖޭގައި ހުޅުވާ ދެވަނަ ރިސޯޓެވެ. އެކުންފުނިން މިހާރުވެސް އަންނަނީ ގއ. އަތޮޅުގައި ރިސޯޓެއް ހިންގަމުންނެވެ. ރޮބިންސަން ކުލަބް ނޫން އަކީ ސަތޭކަ ފަންސާސް ކޮޓަރީގެ ރިސޯޓެކެވެ.