ރާއްޖޭގެ މަޤްބޫލުކަން ބޮޑީ އަންހެން ފަތުރުވެރިންގެ މެދުގައިކަމަށް ތަފާސް ހިސާބުތަކުން ދައްކައިފިއެވެ.
ރާއްޖޭގެ ޓޫރިޒަމް މިނިސްޓްރީން ޢާއްމުކޮށްފައިވާ އެންމެ ފަހުގެ ތަފާސް ހިސާބުތައް ދައްކާގޮތުން، މިއަހަރުގެ ޖޫންމަހުގެ ނިޔަލަށް ރާއްޖެއަށް ހަސަތޭކަ ފަންސާސް ހަތް ހާހަށްވުރެ ގިނަ ފަތުރުވެރިން ޒިޔާރަތްކޮށްފައިވާއިރު، އޭގެތެރެއިން ތިންސަތޭކަ ސާޅީސް ދެހާހަށްވުރެ ގިނަ ފަތުރުވެރިންނަކީ އަންހެނުންނެވެ. މިއީ ޖޫން މަހުގެ ނިޔަލަށް ރާއްޖެއަށް ޒިޔާރަތްކުރި ފަތުރުވެރިންގެ ފަންސާސް ދޭއް އިންސައްތައެވެ. މިދިޔަ އަހަރުގެ މި މުއްދަތާ އަޅާ ބަލާއިރުވެސް ތަފާސް ހިސާބުތައް ދައްކަނީ ހަމަ މިގޮތަށްކަން ފާހަގަކޮށްލެވެއެވެ.
ތަފާސް ހިސާބުތަކުން ދައްކާގޮތުން މިއަހަރުގެ ފުރަތަމަ ހަމަސް ދުވަހު އެވްރެޖްގޮތެއްގައި ފަތުރުވެރިން ރާއްޖޭގައި ހޭދަކޮށްފައިވަނީ ހަ ދުވަހެވެ.