ބ.ފަރެސް / މިރަށުގައި ތަރައްޤީކުރާ ރިސޯޓް 2019 ވަނަ އަހަރު ހުޅުވުމަށް ދަނީ ތައްޔާރުވަމުން
ބ. އަތޮޅު ފަރެސްގައި ތަރައްޤީކުރާ ރިސޯޓް 2019 ވަނަ އަހަރުގެ ފަހުކޮޅު ހުޅުވުމަށް މަސައްކަތްކުރަމުންދާ ކަމަށް އެ ރިސޯޓު ތަރައްޤީކުރާ، އަވާނީ ހޮޓެލްސް އެންޑް ރިސޯޓްސްއިން ހާމަކޮށްފިއެވެ.
70 މިލިއަން ޑޮލަރުގެ މި މަޝްރޫއުގެ ދަށުން، ބ.އަތޮޅު ފަރެސްގައި 200 ކޮޓަރީގެ ރިސޯޓެއް ތަރައްޤީކުރުމަށްވަނީ ހަމަޖެހިފައެވެ.
އަވާނީ ހޮޓެލްސް އެންޑް ރިސޯޓްސްއިން މަޢުލޫމާތުދޭގައި މި ރިސޯޓުގައި ތަފާތު ކެއުންތައް ލިބޭ ރެސްޓޯރެންޓަކާއި، އަވާނީ ސްޕާއެއްގެ އިތުރުން ސައިޒުގެ ގޮތުން ބޮޑު ސްވިމިންގ ޕޫލެއް ހުންނާނެއެވެ.
އަވާނީ ހޮޓެލްސްގެ އެންޑް ރިސޯޓްސްއަކީ ރާއްޖޭގައި މިހާރުވެސް ރިސޯޓްތައް ހިންގަމުން އަންނަ އަނަންތާރާ ހޮޓެލްސް އެންޑް ރިސޯޓްސްގެ ސަބްސިޑަރީ ކުންފުންޏެކެވެ. އަންނަތާރާއިން އަންނަނީ މިހާރުވެސް ރާއްޖޭގައި ތިން ރިސޯޓް ހިންގަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ