ދިވެހިންގެ ތެރެއިން ބައެއް މީހުން އެކިކަންކަމާ ގުޅިގެން ދައްކާ ވާހަކަތަކުގައާއި، މީޑިއާއަށް މައުލޫމާތު ދޭއިރު ރާއްޖޭގެ ސިޔާދަތާއި ރައްކާތެރިކަމަށް ނުރައްކާވެދާނެފަދަ ނުވަތަ އަސަރެއް ކޮށްފާނެ ފަދަ މޭރުމުން ވާހަކަ ދައްކަމުން ގެންދާތީ މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީސް، މަސީން ކަންބޮޑުވުން ފާޅުކޮށްފިއެވެ.
މިކަމާއި ގުޅޭގޮތުން މަސީއިން ނެރެފައިވާ ނޫސް ބަޔާނުގައި ބުނެފައިވަނީ މި ބާވަތުގެ ކަންކަމުގެ ސަބަބުން ދިވެހިރާއްޖޭގެ ތަރައްޤީއަށް ހުރަސް އެޅި އޭގެ ނޭދެވޭ އަސަރު ރައްޔިތުންނަށް ކޮށްފޭނެ ކަމަށާއި، ކޮންސްޓްރަކްޝަން އިންޑަސްޓްރީގެ ކުރިއަރަމުން އަންނަ އައުމަށް މިބާވަތުގެ އަމަލުތަކުގެ ސަބަބުން ހުއްޓުމެއް އަތުވެދާނެ ކަމާ މެދު އެ އެސޯސިއޭޝަނުން ކަންބޮޑުވާ ކަމަށެވެ.
ރާއްޖެއާއި ރާއްޖެއިން ބޭރުގައި ވެސް އެއްވެސް ފަރާތަކުން ވާހަކަދައްކާއިރު ރާއްޖެ ނުރައްކަލަކަށް ހުށަހެޅިދާނެފަދަ މޭރުމުން ވާހަކަނުދެއްކުމަށާއި، ރާއްޖޭގެ ތަރައްޤީއާއި ކުރިއެރުމަށް އުނިކަމެއްލިބި އޭގެ ނޭދެވޭ އަސަރު ރައްޔިތުންނަށް ކޮށްފާނެ ފަދަ ގޮތަކަށް އަމަލުނުކުރުމަށް މަސީން ވަނީ އިލްތިމާސް ކުރައްވާފައެވެ.