ރާއްޖޭގެ ރިސޯޓެއް ކަމަށްވާ އަދާރަން ސިލެކްޓް މީދުއްޕަރު ރިސޯޓަށް، ޓްރިޕް އެކްސްޕަރގެ ފަރާތުން ދޭ އެކްސްޕަރޓް ޗޮއިސް އެވޯޑް އަދި 'ބެސްޓް އޮފް މޯލްޑިވްސް' އެވޯޑް ލިބިއްޖެއެވެ.
ޓްރެވެލަރ ރިވިއު ސައިޓެއް ކަމަށްވާ ޓްރިޕް އެކްސްޕަރޓުންދޭ "އެކްސްޕަރޓް ޗޮއިސް" އެވޯޑަކީ ދުނިޔޭގެ އެކި ހިސާބުތަކުގެ ރިސޯޓު ހޮޓާ އަދި ރެސްޓޯރެންޓުތަކުން ދޭ ޙިދުމަތްތަކާއި ކަސްޓަމަރުންގެ ރިވިއުތަކަށް ބިނާކޮށްދޭ އެވޯޑެކެވެ.
މި އެވޯޑު ލިބުމަކީ ރިސޯޓަށް ލިބުނު ބޮޑު ޝަރަފެއް ކަމަށާއި، މި އެވޯޑުގެ ސަބަބުން އެ ރިސޯޓާއި މެދު ފަތުރުވެރިންގެ މެދުގައި އޮންނަ އިތުބާރު އިތުރުވެގެންދާނެ ކަމަށް އަދާރަން ސިލެކްޓް މީދުއްޕަރު ރިސޯޓުން ބުނެއެވެ.
އަދާރަން އަކީ ސްރީލަންކާގެ އައިޓްކިން ކުންފުނީގެ ބުރޭންޑެކެވެ. އެ ކުންފުނިން އަންނަނީ ރާއްޖޭގައި އަދާރަން ބުރޭންޑުގެ ހަ ރިސޯޓު ހިންގަމުންނެވެ.