ރޮބިންސަން ކުލަބް ނޫން މިއަހަރުގެ ޑިސެމްބަރމަހު ހުޅުވަނީ

ނ.އަތޮޅު އޮރިވަރުގައި ތަރައްޤީކުރާ ރިސޯޓް މިއަހަރު ޑިސެމްބަރމަހު ހުޅުވުމަށް ނިންމާ، ބުކިންއަށް ހުޅުވާލައިފިއެވެ.

ރޮބިންސަން ކުލަބް ނޫންގެ ނަމުގައި ހުޅުވާ މި ރިސޯޓަކީ 150 ކޮޓަރީގެ ރިސޯޓެކެވެ. އެގޮތުން އެ ރިސޯޓުގައި ފަސްދޮޅަސް ވޯޓާ ވިލާ، ސާޅީސް ހަ ބީޗް ވިލާ އަދި އެގާރަ ޑޫޕްލެކްސް ވިލާ ހުންނާނެއެވެ.

މިއީ ރޮބިންސަން ކުލަބުން ރާއްޖޭގައި ހުޅުވާ ދެވަނަ ރިސޯޓެވެ. ރޮބިންސަން ކުލަބުން މިހާރުވެސް އަންނަނީ ގއ.އަތޮޅުގައި ރިސޯޓެއް ހިންގަމުންނެވެ. 

ރޮބިންސަންގ ކުލަބަކީ ޖަރުމަންވިލާތުގެ ޓުއި ގުރޫޕްގެ ބުރޭންޑެކެވެ. ޓުއި ގުރޫޕްއަކީ ފަތުރުވެރިކަމުގެ ދާއިރާގައި އެންމެ ކުރިއަރާފައިވާ ކުންފުނިތަކުގެ ތެރޭގައި ހިމެނޭ ކުންފުންޏެކެވެ. އެގޮތުން ޓުއި ގުރޫޕްގެ ދަށުން، 7 އެއަރލައިންއާއި، 1600 ޓްރެވަލް އެޖެންޓުންނާއި، 16 ކުރޫޒް ލައިންގެ އިތުރުން 300 ހޮޓެލް އަންނަނީ ހިންގަމުންނެވެ.